Мерапрыемства адбудзецца з 11 па 15 ліпеня на базе ліцэя МНС у Гомельскім раёне. У палявым лагеры прымуць удзел каманды-пераможцы абласных, Мінскага гарадскога этапаў, а таксама каманда ліцэя МНС. У кожнай камандзе па 10 чалавек: 5 дзяўчынак і 5 хлопчыкаў ва ўзросце ад 14 да 16 гадоў.
Праграма палявога лагера насычаная. Яго ўдзельнікам трэба будзе прайсці складаныя, але займальныя выпрабаванні, і праявіць сябе ў 9 спартыўных і творчых конкурсах. Сярод іх - «Палаткавы гарадок», «Трапны стралок», «Аказанне першай дапамогі», «Дартс», «Развядзенне вогнішча», «Баявое разгортванне», «Устаноўка палаткі», «Надзвычайная сітуацыя тэхнагеннага характару». Не забыліся арганізатары і аб забаўляльнай праграме. У яе ўвойдуць вогнішча дружбы і дыскатэкі.
12 ліпеня адбудзецца ўрачыстае адкрыццё XIII Рэспубліканскага дзіцячага палявога лагера «Выратавальнік», а 14 ліпеня - закрыццё. Каманды - пераможцы будуць узнагароджаны граматамі, каштоўнымі падарункамі, кожны ўдзельнік - памятнымі сувенірамі.
Сярод арганізатараў злёту - Міністэрства па надзвычайных сітуацыях Рэспублікі Беларусь, Міністэрства адукацыі Рэспублікі Беларусь, Беларуская маладзёжная арганізацыя выратавальнікаў-пажарных, аб'яднаная рэдакцыя часопісаў «Служба спасения» і «Юный спасатель».
Злёт ставіць перад сабой задачу абмену вопытам і ўсталяванне сувязяў паміж рэгіянальнымі аддзяленнямі грамадскага аб'яднання «Беларуская маладзёжная арганізацыя выратавальнікаў-пажарных» і клубамі юных выратавальнікаў-пажарных. Акрамя таго, школьнікі атрымаюць навыкі выратавання ў розных надзвычайных сітуацыях.
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
