Самымі дарагімі спецыяльнасцямі для першакурснікаў, якія збіраюцца паступаць у гэтым годзе на платнае аддзяленне, будуць правазнаўства, эканамічнае права на юрыдычным факультэце і міжнароднае права на факультэце міжнародных адносін. Плата за год навучання на гэтых спецыяльнасцях складзе 2851 рубель. А ў мінулым годзе яна складала 2616 рублёў.
Спецыяльнасць «Дызайн» на факультэце сацыякультурных камунікацый і ўсходняя філалогія на філалагічным факультэце БДУ ў новым навучальным годзе для платнікаў будуць каштаваць 2814 рублёў. Навучанне усходняй філалогіі, у параўнанні з рускай і беларускай, якія ацэньваюцца ў 2039 рублёў, падаражэла амаль на 800 рублёў.
Выраслі цэны і на атрыманне журналісцкай адукацыі. Самымі дарагімі спецыяльнасцямі ў Інстытуце журналістыкі сталі міжнародная і аўдыёвізуальная журналістыка, цэны на якіх склалі 2708 рублёў. А летась дзённае навучанне на першым курсе ў інстытуце абышлося б не больш за 2484 рублі.
Падаражэла і навучанне ў Мінскім лінгвістычным універсітэце. З верасня першакурснікі-платнікі будуць аддаваць за дзённае навучанне 2210 рублёў. А раней гэты кошт складаў 2018 рублёў.
Павысіліся кошты і на дзённае навучанне ў БДУІРы. На факультэце камп'ютарнага праектавання (ФКП), факультэце радыётэхнікі і электронікі (ФРЭ) ды факультэце тэлекамунікацый (ФТК) навучанне ў новым годзе будзе каштаваць 2255 рублёў. На факультэце інфармацыйных тэхналогій і кіравання (ФІТК), інжынерна-эканамічным факультэце (ІЭФ) - 2530 рублёў. На факультэце камп'ютарных сістэм і сетак (ФКСІС) - 2750 руб.
У мінулым навучальным годзе першакурснікі БДУІРа, якія не паступілі на бюджэт, плацілі 2050-2500 рублёў. А вось БДЭУ пакінуў кошт навучання мінулагоднім - 2022-2062 рублі на дзённым адзяленні для першакурснікаў. У гэтым навучальным годзе ён змяняцца не будзе.
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».