Вы тут

Маладзёжны прафсаюзны форум прайшоў у Мінску


Удзельнікі міжнароднага маладзёжнага прафсаюзнага форуму «ТЕМП-2017. Трудом Едина Молодежь Профсоюзов»,  які нядаўна завяршыўся ў Мінску, сустрэліся ў Палаце прадстаўнікоў Нацыянальнага сходу Беларусі з віцэ-спікерам Баляславам Пірштуком. Маладыя людзі азнаёміліся з тым, як працуюць беларускія заканадаўцы, а таксама змаглі задаць свае пытанні.


У працэсе форуму ўдзельнікі з розных краін абмяняліся вопытам па працаўладкаванні моладзі. Начальніка галоўнага ўпраўлення па культуры і грамадскай працы Федэрацыі прафсаюзаў Беларусі Глеба Лапіцкага зацікавіла практыка яго прыбалтыйскіх калег. «Латвія, Літва, Эстонія — тыя краіны, якія вельмі добра падтрымліваюць сваіх маладых спецыялістаў на першым працоўным месцы. Калі мы пачынаем абменьвацца вопытам і інавацыямі, то нашы суседзі таксама бяруць сабе на ўзбраенне нашы напрацоўкі па настаўніцтве. Я маю на ўвазе тое, што калі чалавек прыходзіць на першае працоўнае месца, да яго варта прымацоўваць настаўніка. Мы лічым, што гэта эфектыўная практыка», — расказаў Глеб Лапіцкі.

Таксама ён адзначыў, што асаблівае стаўленне беларускіх прафсаюзаў склалася да расійскіх калег. «Мы вельмі цесна супрацоўнічаем і ў міжнароднай арганізацыі працы, пастаянна падтрымліваем адно аднаго на ўсіх міжнародных пляцоўках. Плануецца, што вынікам нашага форуму стане рэзалюцыя, якую мы накіруем у камісію Міжнароднай арганізацыі працы ў Жэневе. Акрамя таго, мы спадзяёмся, што ў 2018-м усе прафцэнтры, якія прыязджалі ў Мінск, прывязуць з сабой у Жэневу на міжнародную арэну моладзь, для якой мы будзем прасіць спецыяльную пляцоўку. Там збярэцца больш за 180 краін», — расказаў Глеб Лапіцкі.

Прадстаўнік прафсаюзаў Індыі Раяпанені Харэ Крышна лічыць, што на гэтым форуме ва ўсіх удзельнікаў ёсць магчымасць дзяліцца ідэямі па многіх пытаннях. «Я хачу данесці гэтыя ідэі прадстаўнікам прафсаюзаў і прадстаўнікам працоўнага класа Індыі. У нашай краіне мы сутыкаемся з мноствам праблем у плане працаўладкавання моладзі. Тут мы вучымся іх вырашаць», — падзяліўся прадстаўнік Індыі.

Міжнародны прафсаюзны адукацыйны форум праводзіцца айчыннай Федэрацыяй прафсаюзаў у Мінску з 2015 года. Пачынаўся ён з удзелу 8 краін, а ў 2017 годзе на форум з'ехалася прафсаюзная моладзь ужо з 14 дзяржаў: В'етнама, Ізраіля, Індыі, Казахстана, Латвіі, Літвы, Малдовы, Расіі, Таджыкістана, Турцыі, Узбекістана, Украіны, Эстоніі і Беларусі.

Ілья КРЫЖЭВІЧ

krуzhеvісh@zvіаzdа.bу

Дадаць каментар

Выбар рэдакцыі

Грамадства

На Гродзеншчыне ўшанавалі хлеб, лён, бульбу, памідор і дуб

На Гродзеншчыне ўшанавалі хлеб, лён, бульбу, памідор і дуб

Самабытныя, смачныя і пазнавальна-творчыя святы адбыліся сёлета ў розных раёнах Гродзеншчыны.

Эканоміка

Навошта нам долары?

Навошта нам долары?

Намеснік старшыні праўлення Нацыянальнага банка Беларусі Сяргей Калечыц расказаў аб дэдаларызацыі эканомікі Беларусі Сыходзіць ад прывязкі

Грамадства

Перадабортнае кансультаванне — гэта перш за ўсё клопат пра жанчыну

Перадабортнае кансультаванне — гэта перш за ўсё клопат пра жанчыну

У ліпені ў Мінску ў трох паліклініках — 10-й, 23-й і 37-й — былі адкрыты кабінеты «За жыццё», дзе праводзяць перадабортнае кансультаванне.

Грамадства

Наколькі складана ў нашай краіне стаць кандыдатам і доктарам навук?

Наколькі складана ў нашай краіне стаць кандыдатам і доктарам навук?

Ці лічыце вы мэтазгодным устанаўленне адзіных патрабаванняў да саіскальнікаў вучоных ступеняў па колькасці апублікаваных навуковых работ незалежна ад галіны навукі?