Вы тут

Дзіцячы садок на 200 месцаў адкрылі ў Глыбокім


Установа разлічана на дзяцей ранняга і дашкольнага ўзросту, тут плануецца размясціць 12 груп: па тры — ранняга ўзросту, або ясельнага, малодшыя і сярэднія, дзве старшыя групы і адзін клас. Сам будынак складаецца з адмысловых функцыянальных блокаў, сярод якіх — медыцынскі корпус, харчаблок, басейн, фізкультурна-аздараўленчы корпус і блок эстэтычнага выхавання. У цырымоніі адкрыцця прыняў удзел старшыня Палаты прадстаўнікоў Нацыянальнага сходу Уладзімір АНДРЭЙЧАНКА.


— Беларусь з'яўляецца адным з лідараў па развіцці дашкольнай адукацыі і выхавання, а таксама дзіцячай аховы здароўя, — адзначыў спікер ніжняй палаты беларускага парламента. — Дзеці, іх патрэбы, даброты — гэта тыя пытанні, якія пастаянна знаходзяцца ў полі зроку Прэзідэнта, органаў выканаўчай, заканадаўчай улады.

Уладзімір Андрэйчанка таксама дадаў, што сёння ў нашай краіне шмат робіцца для маладых сем'яў, асабліва для тых, якія сапраўды маюць патрэбу ў дапамозе. І за апошнія гады ў Беларусі павялічылася колькасць сем'яў, у якіх выхоўваюцца два і больш дзіцяці.

Новы дзіцячы сад вырашыць праблему недахопу месцаў і перапоўненасці ў іншых установах у горадзе, паколькі з'явілася магчымасць забяспечыць месцамі ўсіх дашкольнікаў мікрараёна вуліцы Паўночнай — сёння тут пражываюць 324 дзіцяці ва ўзросце ад 0 да 6 гадоў. Акрамя таго, больш за 120 дзяцей з 6 іншых устаноў зможа перайсці ў новы садок.

Уладзіслаў ЛУКАШЭВІЧ

lukashevich@zvіazda.by

Дадаць каментар

Выбар рэдакцыі

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Некалі ў нашых вёсках людзі былі маладзейшыя. Ва ўсякім разе амаль усе яны трымалі кароў. 

Грамадства

Чаму амаладжэнне навуковых кадраў прынцыпова важнае?

Чаму амаладжэнне навуковых кадраў прынцыпова важнае?

На якім этапе трэба распачынаць выхаванне будучага даследчыка: у аспірантуры, магістратуры або яшчэ ў школе? 

Грамадства

Малых пацыентаў з арытміяй аперыруюць на базе РНПЦ дзіцячай хірургіі

Малых пацыентаў з арытміяй аперыруюць на базе РНПЦ дзіцячай хірургіі

Праведзеныя аператыўныя ўмяшанні — гэта надзея на радыкальнае вылечванне для тых, хто зараз з прычыны свайго захворвання прымае сур'ёзныя лекавыя прэпараты.

Грамадства

Як на школьных уроках вучаць арыентавацца ў медыясвеце?

Як на школьных уроках вучаць арыентавацца ў медыясвеце?

Сваім вопытам дзеляцца чэшскія спецыялісты.