Вы тут

14 ліпеня ў БДПУ падаў дакументы соты выпускнік педагагічнага класа


Такая знакавая для ўніверсітэта падзея не магла застацца незаўважанай: абітурыента павітаў асабіста рэктар універсітэта Аляксандр Жук і ва ўрачыстай абстаноўцы ўручыў яму юбілейны гадзіннік, выпушчаны да стагоддзя вядучай педагагічнай ВНУ краіны.


Шчасліўчыкам стала выпускніца сярэдняй школы № 1 з Фаніпаля Юлія Коваль. Жаданне вучыцца ў педклассе было настолькі вялікім, што яна рзам з іншымі юнакамі і дзяўчатамі з Дзяржынскага раёна, наведвала міжшкольны педагагічны клас на базе гімназіі №1 у Дзяржынску. І не толькі таму, што абодва яе бацькі па прафесіі - педагогі.

- За 11 гадоў я вельмі палюбіла школу, - прызналася дзяўчына. - Тут дзіця праяўляе сябе з іншага боку: яго вучаць быць разняволеным, не баяцца аўдыторыі. Вучаць жыццю, выходзячы далёка за рамкі падручнікаў.

Дзяўчына паступае ў Інстытут псіхалогіі на спецыяльнасць "Практычная псіхалогія". Пагартаўшы яе партфоліо, падрыхтаванае да сумоўя (а выпускнікі педагагічных класаў, якія паступаюць на педагагічныя спецыяльнасці без экзаменаў, у абавязковым парадку яго праходзяць), можна з упэўненасцю сказаць: яна стане годным студэнтам. Сярэдні бал паспяховасці - 9,2. У школе Юлія ўзначальвала валанцёрскі атрад. Прымала ўдзел у абласной працоўнай акцыі "Аднаўленне святынь Беларусі", што праходзіў у Любані. Будучы галоўным рэдактарам газеты "Школьны мерыдыян", перамагала на фестывалі-конкурсе дзіцячых сродкаў масавай інфармацыі "Свежы вецер". Была ўдзельнікам ўзорнага ансамбля "Сонечныя праменьчыкі". І гэта далёка не ўвесь яе "паслужны спіс". За высокія вынікі ў творчай дзейнасці і актыўную пазіцыю яна стала ганаровым выпускніком Дзяржынскага раёна гэтага года.

Надзея НІКАЛАЕВА

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.