Вы тут

У Кітаі працуе цэнтр культуры Беларусі


У Кітаі ў Другім Пекінскім дзяржаўным універсітэце замежных моў працуе цэнтр культуры Беларусі.


Тут не абмяжоўваюцца імпрэзамі, мерапрыемствамі з нагоды беларускіх свят. Цікаўныя да Беларусі студэнты, магістранты, выкладчыкі рэалізуюць іншыя праекты, звязаныя з даследаваннямі ў галіне беларусай культуры, мастацтва, літаратуры. Адзін з іх — стварэнне серыі кніг, звязаных з біяграфіямі знакамітых асоб Беларусі. Першы зборнік, над якім у якасці аўтараў працуюць магістранты факультэта рускай мовы (зразумела, асобнага факультэта беларускай мовы і літаратуры ва ўніверсітэце не існуе), — кніга пра беларускіх пісьменнікаў. Пад адной вокладкай сабраны нарысы пра жыццё і творчасць майстроў прыгожага пісьменства з розных часін.

— У якасці асоб, чыю творчасць, чыю жыццёвую біяграфію мы разглядаем, — расказвае доктар філалагічных навук спадарыня Чжан Хуэйцінь, — мы выбралі Францыска Скарыну, Янку Купалу, Якуба Коласа, Максіма Багдановіча, Святлану Алексіевіч. Акрамя гэтага, мы плануем правесці ў лістападзе міжнародную навукова-практычную канферэнцыю, прысвечаную Беларусі. Спадзяёмся на ўдзел у ёй і навукоўцаў, студэнтаў з Мінска і гарадоў вашай краіны.

Варта нагадаць, што ў Кітаі раней выходзілі асобныя кнігі Янкі Купалы і Якуба Коласа. З 1990 года выдадзены ці не ўсе кнігі лаўрэата Нобелеўскай прэміі Святланы Алексіевіч. «Цынкавыя хлопчыкі» ў перакладзе Гаа Мана перавыдаваліся, дарэчы, неаднойчы. Перакладчык і каліграф Гаа Ман у розныя гады намаляваў партрэты Янкі Купалы, Якуба Коласа, Святланы Алексіевіч.

Мікола БЕРЛЕЖ

Загаловак у газеце: Ад Скарыны да сучаснасці

Выбар рэдакцыі

Эканоміка

Змены ў падатковы кодыэкс. Хто заплаціць падатак на кватэру, а хто не?

Змены ў падатковы кодыэкс. Хто заплаціць падатак на кватэру, а хто не?

З пачатку года ўступілі ў сілу змены ў Падатковы кодэкс.

Культура

Біблія на беларускай мове: «Галоўнае — абапірацца не на прыдуманыя ўяўленні, а на тысячагадовы вопыт набожных папярэднікаў»

Біблія на беларускай мове: «Галоўнае — абапірацца не на прыдуманыя ўяўленні, а на тысячагадовы вопыт набожных папярэднікаў»

 У 2019 годзе прэміяй «За духоўнае адраджэнне» былі адзначаны перакладчыкі Бібліі на беларускую мову.

Палітыка

Алег Іваноў: Наша супрацоўніцтва — вуліца з двухбаковым рухам

Алег Іваноў: Наша супрацоўніцтва — вуліца з двухбаковым рухам

У бягучым годзе стартуе рэалізацыя 28 інтэграцыйных праграм Саюзнай дзяржавы.

Грамадства

Чым прыцягвае гісторыя ваеннай авіяцыі бераставіцкіх аматараў тэхнічнай творчасці

Чым прыцягвае гісторыя ваеннай авіяцыі бераставіцкіх аматараў тэхнічнай творчасці

Ідэя стварыць гурток авіямадэлістаў у нейкім сэнсе звязана і з размяшчэннем побач з райцэнтрам былога ваеннага аэрадрома.