Вы тут

Выстаўка да 500-годдзя Рэфармацыі праходзіць у Мінску


Выстаўка да 500-годдзя Рэфармацыі, прысвечаная Марціну Лютэру і Францыску Скарыну, праходзіць у галерэі «Універсітэт культуры».


Экспазіцыя арганізавана пры дапамозе пасольства Федэратыўнай Рэспублікі Германія ў Беларусі, а таксама грамадскага аб'яднання «Масты».

Падчас адкрыцця выстаўкі Надзвычайны і Паўнамоцны Пасол Германіі ў Беларусі Петэр ДЭТМАР прыгадаў гісторыю рэфарматара Марціна Лютэра. Спадар пасол заўважыў, што для беларусаў самай знакавай асобай часоў Рэфармацыі быў, ёсць і будзе Францыск Скарына. Хоць Марцін Лютэр і не бываў на беларускіх землях, яго ўплыў ва ўсім свеце быў вельмі моцны. Нават у даваенным Мінску мелася дзве лютэранскія царквы, а ідэі лютэранства і пратэстантызму знаходзяць сваіх многіх прыхільнікаў і сёння. Бо дзякуючы Лютэру кожны народ мае магчымасць чытаць Біблію на сваёй роднай мове, а таксама мець такія ўнікальныя кнігі, як Вялікі і Малы Катэхізісы.

На выстаўцы можна ўбачыць не толькі выявы Марціна Лютэра, але і дэтальна распрацаваныя карты і схемы, што распавядаюць пра яго працу. Гэта дапамагае не толькі ўспомніць пра знакавага дзеяча, але і больш даведацца пра яго дзейнасць.

Імёны Марціна Лютэра і Францыска Скарыны ўвекавечаны не толькі ў памяці іх землякоў, яны вядомы ў цэлым свеце. Праз пяць стагоддзяў пра іх размаўляюць, здзіўляюцца іх талентам, іх шануюць і дзякуюць ім.

Выстаўка працуе да 25 ліпеня.

Анастасія АЎХІМОВІЧ

Фота Юрыя ІВАНОВА

Загаловак у газеце: Біблія — на роднай мове

Дадаць каментар

Выбар рэдакцыі

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Некалі ў нашых вёсках людзі былі маладзейшыя. Ва ўсякім разе амаль усе яны трымалі кароў. 

Грамадства

Чаму амаладжэнне навуковых кадраў прынцыпова важнае?

Чаму амаладжэнне навуковых кадраў прынцыпова важнае?

На якім этапе трэба распачынаць выхаванне будучага даследчыка: у аспірантуры, магістратуры або яшчэ ў школе? 

Грамадства

Малых пацыентаў з арытміяй аперыруюць на базе РНПЦ дзіцячай хірургіі

Малых пацыентаў з арытміяй аперыруюць на базе РНПЦ дзіцячай хірургіі

Праведзеныя аператыўныя ўмяшанні — гэта надзея на радыкальнае вылечванне для тых, хто зараз з прычыны свайго захворвання прымае сур'ёзныя лекавыя прэпараты.

Грамадства

Як на школьных уроках вучаць арыентавацца ў медыясвеце?

Як на школьных уроках вучаць арыентавацца ў медыясвеце?

Сваім вопытам дзеляцца чэшскія спецыялісты.