Вы тут

Міхаіл Мясніковіч падвёў вынікі мадэрнізацыі


Учора старшыня Савета Рэспублікі Нацыянальнага сходу Беларусі Міхаіл Мясніковіч асабіста ацаніў абнаўленне Баранавіцкага вытворчага баваўнянага аб'яднання. Затым ён пераехаў у Ляхавічы, дзе правёў прыём грамадзян.


— Праект мадэрнізацыі аб'яднання досыць эфектыўны, вынікі добрыя. Летась тэмп росту па аб'ёмах вытворчасці і продажаў быў каля 125%, экспарт вырас больш чым на 30%. За першае паўгоддзе 2017-га аб'ёмы прыраслі яшчэ на 30%, экспарт — у 1,6 раза да такога ж перыяду 2016 года. Гэта сведчыць пра тое, што прадукцыя запатрабавана як на ўнутраным, так і на знешніх рынках, — адзначыў Міхаіл Мясніковіч.

На нарадзе, якую правёў старшыня Савета Рэспублікі, разгледзелі фінансавыя магчымасці прадпрыемства ў 2018 і 2019 гадах. Адзін з асноўных выдаткаў — крэдыт на мадэрнізацыю, які неабходна будзе за гэты час пагасіць. Па ўказе ў абнаўленне Баранавіцкага ВБА было ўкладзена 20 млн еўра, яшчэ каля 10 млн еўра прадпрыемства прыцягнула самастойна. Зараз БВБА выйшла на ўстойлівы эканамічны ўзровень: каля траціны прадукцыі аб'ёмаў 2018 года ўжо закантрактаваная. У планах — нарасціць аб'ёмы швейнай вытворчасці і вырабляць касцюмныя і кашульныя тканіны.

На прыём да Міхаіла Мясніковіча ў Ляхавічах прыйшло пяць чалавек. Старшыня Савета Рэспублікі адзначыў, што практычна ўсе пытанні можна было б вырашыць на мясцовым узроўні, але некаторыя кіраўнікі баяцца браць на сябе адказнасць.

Да таго ж Міхаіл Мясніковіч паведаміў, што зараз заканчваецца падрыхтоўка шэрагу нарматыўна-прававых актаў, якія дазволяць спрасціць адміністрацыйныя працэдуры па вядзенні бізнесу. Удасканаляць, магчыма, і інвестыцыйнае заканадаўства, каб стварыць больш камфортныя ўмовы для тых, хто жадае ўкладваць грошы ў беларускія прадпрыемствы.

Надзея АНІСОВІЧ

аnіsоvісh@zvіаzdа.bу

Выбар рэдакцыі

Эканоміка

У Мінску прадаецца больш за 10 тысяч кватэр

У Мінску прадаецца больш за 10 тысяч кватэр

На другасным рынку жыллё працягвае таннець (у глабальным плане без перапынкаў) ужо з верасня мінулага года.

Грамадства

Падмануць Альцгеймера. Як захаваць ясны розум да глыбокай старасці?

Падмануць Альцгеймера. Як захаваць ясны розум да глыбокай старасці?

Няўжо гэтую цяжкую хваробу так лёгка абвесці вакол пальца?

Калейдаскоп

Разбіраем модныя мастхэвы надыходзячага сезона: чым папоўніць гардэроб?

Разбіраем модныя мастхэвы надыходзячага сезона: чым папоўніць гардэроб?

Мода вясны — 2021 прапануе некалькі глабальных кірункаў: мінімалізм, унісекс і 1990-я.