Член Выканкама МАК, прэзідэнт НАК Украіны, алімпійскі чэмпіён 1988 года Сяргей Бубка ўключаны ў склад каардынацыйнай камісіі ІІ Еўрапейскіх гульняў у Мінску.
Раней каардынацыйная камісія пад кіраўніцтвам прэзідэнта НАК Грэцыі Спіраса Капраласа прыязджала ў Мінск у маі ў рамках інспекцыйнага візіту. Тады чыноўнікі наведалі галоўныя спартыўныя аб'екты сталіцы, якія прымуць спаборніцтвы турніру: «Мінск-Арэна», «Чыжоўка-Арэна», Футбольны манеж, Палац спорту і «Раlоvа-арэна».
Акрамя Бубкі і старшыні Спіраса Капраласа ў складзе камісіі працуюць кіраўнік НАК Харватыі Златка Мацеша, кіраўнік НАК Расіі і член МАК Аляксандр Жукаў, галоўны кансультант па правядзенні Еўрапейскіх гульняў Пірс О'Калахан і менеджар ЕАК па сувязях з арганізатарамі Еўрагульняў Стыў Скот. У мінулым Сяргей Бубка ўваходзіў у склад каардынацыйнай камісіі МАК летніх Алімпійскіх гульняў у Пекіне 2008 года і ў Рыа-дэ-Жанэйра 2016 года.
Дар'я ЛАБАЖЭВІЧ
Як мы бярозавік куплялі на гандлёвай пляцоўцы лясгаса і ў лясніцтве
Творчая вечарына народнага артыста Беларусі прайшла ў адной з мінскіх гімназій.