Вы тут

Асцярожна: стыхія!


Каля берагоў Турцыі і Грэцыі адбыўся землятрус магнітудай амаль 7 балаў.


Як паведамляе БЕЛТА, землятрус адбыўся ўчора ноччу каля 1.30 па мясцовым часе ў Эгейскім моры. Паводле ацэнак спецыялістаў, яго магутнасць склала ад 6,7 да 6,9 бала. Эпіцэнтр знаходзіўся за 10 кіламетраў ад папулярнага ў турыстаў курортнага горада Бодрум на паўднёвым захадзе Турцыі і за 16 кіламетраў ад грэчаскага вострава Кос.

Розныя крыніцы паведамляюць пра тое, што ў Бодруме пацярпела каля 70 чалавек, у турэцкім горадзе Мугла шпіталізацыя спатрэбілася некалькім жыхарам. На востраве Кос — каля 120 пацярпелых, загінула 2 чалавекі.

У твітэр-акаўнце Міністэрства замежных спраў Беларусі з'явілася інфармацыя, што беларусы не звярталіся ў спецыялізаваныя органы па выніках здарэння. Таксама адзначаецца, што пасольствы Беларусі ў Турцыі і Балгарыі (у Грэцыі — па сумяшчальніцтве) сочаць за сітуацыяй у сувязі з землятрусам.

Пазней стала вядома, што ўлады Турцыі прынялі рашэнне адправіць на востраў Кос судна, якое эвакуіруе каля 200 турэцкіх грамадзян — для гэтага спатрэбіцца не менш за 2 рэйсы. З-за землятрусу пацярпелі порт і аддзяленне мытні на востраве, таму мясцовыя ўлады ўзгаднілі рэйс на найбліжэйшую прыстань.

Уладзіслаў ЛУКАШЭВІЧ

lukashevich@zviazda.by

Выбар рэдакцыі

Грамадства

Шакаладныя жаданні па-беларуску. Карэспандэнт «Звязды» пабывала на адной з кандытарскіх фабрык краіны

Шакаладныя жаданні па-беларуску. Карэспандэнт «Звязды» пабывала на адной з кандытарскіх фабрык краіны

Каб паглядзець, што тут рыхтуюць да свята і якімі салодкімі навінкамі збіраюцца здзіўляць беларусаў.

Грамадства

Зберагчы дзяцінства, або як сёння змагаюцца з педафіліяй

Зберагчы дзяцінства, або як сёння змагаюцца з педафіліяй

За дзесяць месяцаў бягучага года супрацоўнікі міліцыі выявілі больш за 600 злачынстваў супраць палавой недатыкальнасці або палавой свабоды непаўналетніх.

Грамадства

Школа — прастора для дыялогу. Чаму на тэму булінгу можна і трэба выказвацца ўслых

Школа — прастора для дыялогу. Чаму на тэму булінгу можна і трэба выказвацца ўслых

Рэспубліканскі цэнтр псіхалагічнай дапамогі падрыхтаваў для педагогаў рэкамендацыі па вырашэнні канфліктных сітуацый.

Грамадства

​Што павiнны зрабiць на прадпрыемствах, каб папярэдзiць распаўсюджванне COVID-19

​Што павiнны зрабiць на прадпрыемствах, каб папярэдзiць распаўсюджванне COVID-19

Мiнiстэрства аховы здароўя распрацавала рэкамендацыi па прафiлактыцы каранавiруснай iнфекцыi ў арганiзацыях.