Вы тут

Помнік Францыску Скарыну ў Кішынёве будзе ўсталяваны ў лістападзе


Помнік Францыску Скарыну ў Кішынёве будзе ўсталяваны ў лістападзе гэтага года, паведамілі ў Міністэрстве культуры Беларусі.


Як паведамілі ў ведамстве, на конкурс эскізных праектаў помніка Францыску Скарыну ў малдаўскай сталіцы Кішынёве, які праводзіла Міністэрства культуры, было пададзена дзевяць заявак. Прафесійнае журы ў складзе прадстаўнікоў Мінкультуры, Нацыянальнага цэнтра сучасных мастацтваў Беларусі, Нацыянальнай бібліятэкі Беларусі, Беларускага дзяржаўнага музея гісторыі Вялікай Айчыннай вайны, гімназіі-каледжа мастацтваў імя І.В.Ахрэмчыка, Беларускага саюза мастакоў пераможцам конкурсу назвала працу скульптара Генадзя Лойкі.

Рэспубліканскі мастацка-экспертны савет па манументальным i манументальна-дэкаратыўным мастацтве на пасяджэнні ўхваліў мадэль бюста, вырабленую ў мяккім матэрыяле. Скульптар ужо працуе над мадэллю ў натуральную велічыню, помнік адліюць на скульптурным камбінаце Беларускага саюза мастакоў. Скульптура вышынёй амаль 1 м будзе ўсталяваная на пастаменце, які выкананы ў Кішынёве. Агульная вышыня помніка складзе крыху больш за 2,5 м.

Як паведамлялася раней, урад Малдовы ухваліў рашэнне аб устаноўцы ў Кішынёве помніка беларускаму першадрукару Францыску Скарыну, адпаведную пастанову Кабмін Малдовы прыняў 4 ліпеня на сваім пасяджэнні па ініцыятыве Міністэрства культуры рэспублікі з мэтай ушанавання памяці славутага беларускага першадрукара, а таксама з нагоды адзначаемага ў гэтым годзе 500-годдзя выдання першай кнігі на беларускай мове.

Па рашэнні ўрада Малдовы і мэрыі муніцыпіі Кішынёў, помнік Францыску Скарыну будзе ўсталяваны ў цэнтры малдаўскай сталіцы - у скверы на скрыжаванні вул. Аляксея Маціевіча і Мітрапаліта Гаўрыіла Бэнулеску-Бадоні, насупраць пасольства Беларусі ў Малдове.

Выдаткі на распрацоўку праектнай дакументацыі для помніка, выкананне работ і ўстаноўку пастамента і бюста, а таксама добраўпарадкаванне прылеглай тэрыторыі будуць пакрытыя за кошт фінансавых сродкаў Беларусі і спонсарскай дапамогі.

БЕЛТА

Выбар рэдакцыі

Грамадства

Як сучасныя палешукі рыхтуюцца да свята Уваскрэсення Хрыстовага

Як сучасныя палешукі рыхтуюцца да свята Уваскрэсення Хрыстовага

Аўтар «Звязды» расказвае на прыкладзе сваёй сям'і.

Культура

ЗЕНА: Ад сцэны не стамляюся!

ЗЕНА: Ад сцэны не стамляюся!

Графік у артысткі вельмі насычаны.

Грамадства

Звыклыя выключнасці. Ці можна зразумець «лічбавае племя»?

Звыклыя выключнасці. Ці можна зразумець «лічбавае племя»?

Даследаванне «Пакаленне «Z» у пытаннях і адказах» было прадстаўлена падчас навуковага стэндапа, арганізаванага для навучэнцаў профільных педагагічных класаў у БДПУ.

Грамадства

Ежа ці сімвал? Самы час зацікавіцца роспісам яек

Ежа ці сімвал? Самы час зацікавіцца роспісам яек

Карэспандэнт «Звязды» схадзіла на майстар-клас па стварэнні «пісанак».