У мінулым годзе сярэдні бал быў 324. Залічэнне, якое ў БДУІР ужо шмат гадоў праходзіць адкрыта, адбылося ў прысутнасці больш як 900 абітурыентаў і іх бацькоў. Акрамя гэтага, паралельна больш як 800 чалавек сачылі за мерапрыемствам анлайн праз YouTube-трансляцыю.
- У гэтым годзе мы залічваем элітных абітурыентаў, - канстатаваў рэктар БДУІР Міхаіл БАТУРА. - Конкурс у БДУІР - гэта канкурэнцыя сярод наймацнейшых. У нас на 1036 месцаў падалі дакументы больш як 1600 чалавек, але з якімі баламі ў сертыфікатах! Самы нізкі прахадны бал, з якім можна было паступіць на бюджэт на дзённую форму навучання - 257.
Адразу пасля падпісання загаду будучыя студэнты даведаліся пра свой вынік - навіна з'явілася ў іх электронных кабінетах, на сайце ўніверсітэта, а таксама абітурыенты маглі знайсці сваё прозвішча ў спісах ў фае.
Па інфармацыі прыёмнай камісіі БДУІР, у топе самых запатрабаваных сярод абітурыентаў спецыяльнасцяў --"Інфарматыка і тэхналогіі праграмавання" (прахадны бал 380, у мінулым годзе быў 373), "Праграмнае забеспячэнне інфармацыйных тэхналогій" (прахадны бал 371, у мінулым годзе - 363). Замыкае тройку лідараў па папулярнасці ў абітурыентаў спецыяльнасць "Інфармацыйныя сістэмы і тэхналогіі (у гульнявой індустрыі)" (прахадны бал 370, у мінулым годзе - 360).
Далей па папулярнасці ў абітурыентаў ідуць "Інфармацыйныя сістэмы і тэхналогіі (у бізнес-мэнэджменце)" (прахадны бал 363, у мінулым годзе - 356), а таксама "Аўтаматызаваныя сістэмы апрацоўкі інфармацыі" (прахадны бал 352, у мінулым годзе - 342).
Надзея НІКАЛАЕВА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».