Усходні гараскоп на наступны тыдзень

АВЕН. На гэтым тыдні вам асабліва спатрэбяцца тры парады: пачынайце ўсё нанова, звярніцеся па дапамогу да вышэйшых сіл і ніколі сябе не лайце. Поспех у справах будзе дасягацца ў выніку актыўных і адказных дзеянняў. Не адступайце перад непрыемнасцямі, у вас ёсць шанц дасягнуць верхняй прыступкі кар'ернай лесвіцы. Можаце смела брацца за справы, калі ў вас ляжыць да іх сэрца (або падказвае інтуіцыя). Станоўчыя вынікі могуць прынесці паездкі і сустрэчы, звязаныя з пашырэннем поля дзейнасці. У выхадныя паспрабуйце знайсці час для шчырых гутарак з сябрамі.

ЦЯЛЕЦ. Падзеі на рабоце пагражаюць стаць непрадказальнымі і крыху неўпарадкаванымі. У пачатку тыдня магчымы невялікія эмацыянальныя ўзрушэнні. Але ўжо ў сераду палепшацца ўзаемаадносіны з калегамі і начальствам, і гэта вельмі важна для вас. Шматлікія сустрэчы і перамяшчэнні могуць стаміць. Назапашаныя хатнія справы запатрабуюць энергічнасці і сабранасці ў пятніцу. Надайце дастаткова ўвагі блізкім, не забывайце пра іх.

БЛІЗНЯТЫ. Вы прыцягваеце і зачароўваеце навакольных, вас немагчыма не заўважыць, Фартуна на вашым боку. Вы ўнутрана настроеныя на пераўтварэнне і духоўнае аднаўленне. Праца будзе прыносіць задавальненне і дазволіць рэалізаваць свае таленты. Пачынаючы з серады па пятніцу ўсё будзе спорыцца ў вашых руках, зможаце многае паспець. Разам з новым парывам энтузіязму і актыўнасці ў другой палове тыдня ў ваша жыццё ўвойдзе і новая светлая перспектыва. У пятніцу ўвечары паспрабуйце адпачыць, бо выхадныя будуць напоўнены падзеямі.

РАК. Калі вы не ў адпачынку, на рабоце клопатаў безліч. З некаторымі праблемамі будзе цяжка справіцца, звяртайцеся па дапамогу да сяброў і калег, і ніхто вам не адмовіць. Пастаўцеся спакойна да крытыкі і выпраўце дапушчаныя памылкі. Аўторак і субота — дні прыемных і радасных падзей. Старыя сябры могуць парадаваць цікавымі прапановамі. Паспрабуйце завяршыць даўнія справы, якія перашкаджаюць і не даюць ісці наперад.

ЛЕЎ. На гэтым тыдні будзе нялішне падсумаваць тое, што пражыта, і адкрыць для сябе новую старонку, запаўненне якой варта пачаць з актыўнага засваення атрыманага вопыту. Багацце інфармацыі складзецца ў новую фармулёўку, якая адкажа на жыццёва важныя пытанні. Паспрабуйце не прагаварыцца аб тым патаемным, што ў вас на душы, адны могуць не зразумець, а іншыя пазайздросцяць. Пятніца — адзін з самых выдатных дзён тыдня, калі вы пачняце яго ў адпаведным настроі. Усміхайцеся з самай раніцы і паспрабуйце ні з кім не сварыцца. Чым спакайней вы праведзяце выхадныя, тым лепш для вас.

ДЗЕВА. Будзеце атрымліваць задавальненне ад дзелавых сустрэч і кантактаў. Грамадская дзейнасць можа запатрабаваць больш часу, чым звычайна. Жыццялюбства, аптымізм і пачуццё гумару дазволяць дасягнуць намечаных мэт і стаць прыемным суразмоўнікам. У сераду варта прадумаць свае планы на наступны месяц. Не раскідвайцеся па дробязях і не адхіляйцеся ад вызначанай стратэгіі. У нядзелю, дзейнічаючы агрэсіўна, вы нічога не будзеце мець, знайдзіце іншае выйсце з сітуацыі.

ШАЛІ. Цярпенне і праца, а таксама поўная абыякавасць у адносінах да крытыкі навакольных дазволяць захаваць здароўе і самапавагу. Нямала цікавых ідэй з'явіцца менавіта цяпер. Хоць вы і не вельмі таварыскія ў гэтыя дні, затое вельмі сабраныя. Усё будзе спорыцца ў руках, і вы проста гуляючы справіцеся з усімі назапашанымі дробнымі справамі. Не звяртайце ўвагі на жарты калег па працы, захоўвайце спакой і апыняцеся пераможцам. Праз сілу лепш нічога не пачынайце. Размяжуйце такія паняцці як стомленасць і лянота.

СКАРПІЁН. Паспрабуйце выканаць работу своечасова і падысці да яе творча. Ваша працавітасць будзе заўважана і годна ацэнена. Заслужыце адабрэнне начальства. Большасць планаў ажыццявіцца. Кіраўніцтва можа пайсці вам насустрач, калі спатрэбіцца больш свабодны рэжым працы. Незалежнасць і ўпэўненасць у сабе прынясуць поспех. Удзяліце дастаткова ўвагі блізкім, правядзіце выхадныя на прыродзе. Ваш добры настрой парадуе не толькі вас саміх, але і ўсіх, хто апынецца побач.

СТРАЛЕЦ. У пачатку тыдня прааналізуйце свае дзеянні і паспрабуйце ліквідаваць недахопы і прамашкі. Тыдзень схіляе да наладжвання і абнаўлення партнёрскіх адносін, таксама спрыяе пашырэнню важных дзелавых сувязяў і кантактаў. Думка навучыцца чаму-небудзь новаму вельмі своечасовая. У асабістым жыцці трэба праявіць больш упэўненасці ў сабе. У сераду, выкарыстоўваючы абаянне і дыпламатычныя здольнасці, можаце дасягнуць сваёй мэты. У суботу пажадана не распачынаць нічога новага, правядзіце час з сям'ёй.

КАЗЯРОГ. Не варта кідацца ў крайнасці, больш уважліва прыслухайцеся да ўнутранага голасу, ён абяцае падказаць дакладнае рашэнне. У панядзелак і аўторак рэкамендуецца засяродзіцца на руцінных задачах. У чацвер варта прадэманстраваць начальству ўменне хутка выконваць даручэнні. У пятніцу абставіны асабістага жыцця могуць стацца занадта супярэчлівымі. Змагацца не варта, ёсць сэнс даверыцца бегу падзей. У выхадныя дні ўсё стане на свае месцы, палепшацца адносіны з блізкімі людзьмі.

ВАДАЛЕЙ. Вас чакае шмат працы, а так хочацца адпачыць. Але з гэтым давядзецца пачакаць. Маштабнасць уласных ідэй можа перашкодзіць рэальна ацаніць свае магчымасці. Будзеце схільныя да праявы агрэсіўнасці, адстойвання сваёй пазіцыі, што ў значнай меры азмрочыць ваш настрой у гэтыя дні. Абмеркаванне вашых праблем у вышэйстаячых інстанцыях у другой палове тыдня станецца паспяховым. Паспрабуйце трохі часу прысвяціць стварэнню ўтульнасці ва ўласным доме, каб мець магчымасць адпачыць у ім пасля цяжкай працы.

РЫБЫ. Адпачніце ад мітусні і клопатаў, не шкадуйце часу на сябе. Тым больш, што на гэтым тыдні ваша сур'ёзнае і добрасумленнае стаўленне да працы можа застацца незаўважаным. У аўторак чакайце вельмі цікавую і сур'ёзную прапанову ў асабістай сферы. Надыходзіць спрыяльны момант для канкрэтных дзеянняў, адказных крокаў і іншых лёсавызначальных спраў. У сераду можа сарвацца важная сустрэча, калі магчыма, адразу прызначце яе на іншы дзень. Пры правільным падыходзе канец тыдня прынясе эмацыянальнае задавальненне.