Праз месяц у самай вялікай студыі Белтэлерадыёкампаніі «600 метраў» пройдзе фінальны гала-канцэрт нацыянальнага адбору дзіцячага конкурсу «Еўрабачанне», але жараб'ёўку канкурсантаў у медыяхолдынгу правялі загадзя.
Па выніках лёсавання ўдзельнікі выйдуць на сцэну ў наступным парадку:
1. Хелена Мерааі (Мінск); 2. Анастасія Цімафеевіч (Брэст); 3. Руслана Панчышына (Мінск); 4. Эліна Матарас (Мінск); 5. Яраслаў Саколікаў (Мінск); 6. Стафанія Сакалова (Мінск); 7. Дуэт Аліны Пехцеравай і Анастасіі Дзмітрачковай (Мінск); 8. Квартэт Нацыянальнага цэнтра дзіцячай творчасці імя У. Мулявіна: Максім Цупрыкаў, Ангеліна Ламака, Стафанія Круглая і Стафанія Сакалова (Мінск); 9. Марыя Жыліна (Мінск); 10. Анастасія Жабко (Мінск).
Акрамя таго, расказалі «Звяздзе» ў медыяхолдынгу, творчая група праекта сустрэлася з камандай кожнага юнага артыста, каб даць пэўныя парады і рэкамендацыі наконт дапрацоўкі песень, нумароў і сцэнічных вобразаў. Гэтыя кансультацыйныя сустрэчы і карэкціроўкі будуць праходзіць і надалей. У каго з удзельнікаў дамашняе заданне атрымаецца выканаць лепш за ўсіх — даведаемся 25 жніўня падчас гала-канцэрта. Тады ж гледачы змогуць ацаніць відэавізітоўкі ўсіх канкурсантаў (іх плануецца зняць на пачатку жніўня), у аздабленні якіх рэжысёр Юрый Ярошык абяцае зноў, як і ў дарослым конкурсе, выкарыстаць сімвалы беларускага арнаменту.
Тым часам
Канчаткова вызначыліся даты і месца правядзення наступнага дарослага конкурсу «Еўрабачанне». Як указана на афіцыйным сайце, конкурс у 2018 годзе ўпершыню пройдзе ў сталіцы Партугаліі Лісабоне з 8 па 12 мая.
Вікторыя ЦЕЛЯШУК
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
