Вы тут

«Беларусь 3» адзначыць 100-годдзе Янкі Брыля і яшчэ шэраг круглых дат


Наступны тыдзень стане вельмі насычаным на імяніны вядомых дзеячаў мастацтва, у гонар якіх сацыякультурны тэлеканал «Беларусь 3» падрыхтаваў адмысловыя святочныя праграмы.


Так, да 100-годдзя з дня нараджэння народнага пісьменніка БССР Янкі Брыля яго вядомыя творы будуць чытаць у эфіры акцёры тэатра і кіно — у прыватнасці, у спецыяльных відэароліках прагучаць урыўкі з апавяданняў «Маці» і «Галя». Пра малавядомыя факты з жыцця і творчасці пісьменніка нагадае гледачам 4 жніўня перадача «Святло далёкай зоркі».

Зрэшты, аўтар і вядучы «Святла далёкай зоркі» Аляксандр Дамарацкі раскажа ў асобных серыях цыкла і пра іншых юбіляраў тыдня. 1 жніўня праграма будзе прысвечана 80-годдзю дырыжора Юрыя Яфімава, 2 жніўня — раскажа пра народную артыстку БССР, адну з дзвюх жанчын-дырыжораў Савецкага Саюза Таццяну Каламійцаву. 3 жніўня вядучы ўспомніць пра мастака Мікалая Селешчука, а 5 жніўня пагаворыць з гледачамі пра яркія ролі заслужанай артысткі БССР, актрысы Алімпіяды Шах-Парон, 95-годдзе з дня нараджэння якой святкуецца сёлета.

У нядзелю «Беларусь 3» адзначыць перад'юбілейны дзень нараджэння славутага беларускага кампазітара, народнага артыста СССР Ігара Лучанка — спецвыпускам праекта «Легенды беларускай эстрады», а таксама творчым вечарам «Неспакойнае сэрца».

Акрамя таго, увечары 6 жніўня заўзятыя тэатралы змогуць прычыніцца да святкавання 60-гадовага юбілею мастацкага кіраўніка Купалаўскага тэатра, лаўрэата Дзяржпрэміі Беларусі, заслужанага дзеяча мастацтваў Мікалая Пінігіна. Менавіта ў ягоную творчую лабараторыю завітаюць тэлевізійнікі ў чарговым выпуску праграмы «Майстры і куміры», а крыху пазней тэлегледачы ўбачаць запіс спектакля «Сымон-музыка» ў пастаноўцы юбіляра.

Вікторыя ЦЕЛЯШУК

tselyashuk@zviazda.by

Загаловак у газеце: Культурны тыдзень з юбілярамі

Выбар рэдакцыі

Культура

Як  мастак Май Данцыг ствараў свае карціны

Як мастак Май Данцыг ствараў свае карціны

Наватар, «шасцідзясятнік», ваяўнічы аптыміст — гэта ўсё пра яго.

Грамадства

Як ператварыць звычайны ўрок беларускай літаратуры у творчую майстэрню?

Як ператварыць звычайны ўрок беларускай літаратуры у творчую майстэрню?

Настаўнікі ўпэўнены: ці будуць вучні чытаць, у многім залежыць ад іх саміх. 

Эканоміка

Петришенко: Называть ЕАЭС экономическим союзом сегодня можно только авансом

Петришенко: Называть ЕАЭС экономическим союзом сегодня можно только авансом

Однако наша страна надеется, что это временные трудности.

Грамадства

Апублікаваны поўны тэкст Канцэпцыі інфармацыйнай бяспекі Беларусі

Апублікаваны поўны тэкст Канцэпцыі інфармацыйнай бяспекі Беларусі

Дзяржаўным органам і іншым арганізацыям даручана кіравацца палажэннямі канцэпцыі ў практычнай дзейнасці.