02 снежня, серада

Вы тут

Фінал конкурсу «Сям'я года — 2017» пройдзе ў Мінску 27 кастрычніка


Фінал рэспубліканскага конкурсу «Сям'я года — 2017» пройдзе ў Мінску 27 кастрычніка, паведаміў намеснік міністра працы і сацыяльнай абароны Аляксандр РУМАК. За прызавое месца будуць змагацца пераможцы з рэгіёнаў. Сёлета гэта ў асноўным поўныя сям'і з трыма дзецьмі.


Фінал конкурсу пройдзе ў Беларускім рэспубліканскім тэатры юнага гледача. Удзельнікам трэба будзе прадставіць візітную картку сям'і «Радавод». А таксама — сацыяльна значны праект, у якім неабходна адлюстраваць сваё бачанне вырашэння актуальных праблем, звязаных з экалогіяй, выхаваннем дзяцей, падтрыманнем парадку на зямлі і інш.

«Мы распрацоўваем насычаную культурна-забаўляльную праграму для сем'яў, якія сталі найлепшымі ў сваіх рэгіёнах, каб удзел у конкурсе для іх стаў сапраўдным святам», — адзначыў Аляксандр Румак. Ён падкрэсліў, што рэспубліканскі конкурс праводзіцца трэці раз і накіраваны на павышэнне ролі і прэстыжу сям'і ў грамадстве, прасоўванне ідэй адказнага бацькоўства. «Сям'я — найважнейшы інстытут грамадства, апора дзяржавы. У ёй закладваецца падмурак маральнага выхавання чалавека, яго культурнага развіцця, фарміруюцца нормы паводзін, раскрываюцца ўнутраны свет і індывідуальныя якасці асобы».

Надзея ДРЫЛА

dryla@zviazda.by

Загаловак у газеце: Сям'ю года выберуць у тэатры

Выбар рэдакцыі

Грамадства

Шакаладныя жаданні па-беларуску. Карэспандэнт «Звязды» пабывала на адной з кандытарскіх фабрык краіны

Шакаладныя жаданні па-беларуску. Карэспандэнт «Звязды» пабывала на адной з кандытарскіх фабрык краіны

Каб паглядзець, што тут рыхтуюць да свята і якімі салодкімі навінкамі збіраюцца здзіўляць беларусаў.

Грамадства

Зберагчы дзяцінства, або як сёння змагаюцца з педафіліяй

Зберагчы дзяцінства, або як сёння змагаюцца з педафіліяй

За дзесяць месяцаў бягучага года супрацоўнікі міліцыі выявілі больш за 600 злачынстваў супраць палавой недатыкальнасці або палавой свабоды непаўналетніх.

Грамадства

Школа — прастора для дыялогу. Чаму на тэму булінгу можна і трэба выказвацца ўслых

Школа — прастора для дыялогу. Чаму на тэму булінгу можна і трэба выказвацца ўслых

Рэспубліканскі цэнтр псіхалагічнай дапамогі падрыхтаваў для педагогаў рэкамендацыі па вырашэнні канфліктных сітуацый.

Грамадства

​Што павiнны зрабiць на прадпрыемствах, каб папярэдзiць распаўсюджванне COVID-19

​Што павiнны зрабiць на прадпрыемствах, каб папярэдзiць распаўсюджванне COVID-19

Мiнiстэрства аховы здароўя распрацавала рэкамендацыi па прафiлактыцы каранавiруснай iнфекцыi ў арганiзацыях.