Вы тут

70% залічаных у БДУ на першы курс маюць сумарны бал 300 і вышэй


У Беларускім дзяржаўным універсітэце падвялі канчатковыя вынікі залічэння на дзённую бюджэтную форму навучання. Сярэдні конкурс па ўніверсітэце склаў 2 чалавекі на месца (ў 2016 годзе - 1,6 ).


Фото: rbc.ua

Без экзаменаў прынятыя 69 пераможцаў міжнародных, рэспубліканскіх алімпіяд і лаўрэатаў спецыяльнага фонду Прэзідэнта Рэспублікі Беларусь. 27,6% новаспечаных першакурснікаў скончылі сярэднюю школу з медалём або ўстановы сярэдняй спецыяльнай адукацыі з дыпломамі з адзнакай, а 52, 8% з'яўляюцца выпускнікамі ліцэяў і гімназій.

На педагагічныя спецыяльнасці і напрамкі без экзаменаў былі залічаны 57 абітурыентаў, але сярод іх толькі  два выпускніка педагагічных профільных класаў.

Значна вырас працэнт  залічаных па агульным конкурсе абітурыентаў, якія маюць па выніках здачы ЦТ сумарны бал 300 і вышэйшы -- 70%  ад агульнай колькасці (ў 2016 годзе - 63%).

Яшчэ адна цікавая тэндэнцыя: у гэтым годзе зафіксаваны рэкордна нізкі паказчык сярод першакурснікаў прадстаўнікоў сталіцы - 32,9% (ў 2016 годзе - 33,5%).

Самыя высокія прахадныя балы сярод прыродазнаўчых спецыяльнасцяў былі зафіксаваныя на "прыкладной інфрматыцы"  -372 (у 2016 годзе- 364.), "інфарматыцы" - 360  (летась  - 349), "актуарнай матэматыцы" -  352 (летась - 338), камп'ютарнай бяспецы - 352 (летась  - 335); "фундаментальнай хіміі"  - 350 (летась  - 320),  "хіміі лекавых злучэнняў" - 345 (летась  - 314).

Прахадныя балы і конкурсы на спецыяльнасцях з творчым конкурсам наступныя:

  • "дызайн" (кірунак - камунікатыўны дызайн) - конкурс 18,7 чалавека на месца. Прахадны бал - 280 (ў 2016 г. - 256);
  • "дызайн" (кірунак - дызайн прадметна-прасторавага асяроддзя) -конкурс 10 чалавек на месца пры прахадным балле 248 (у 2016 годзе - 249);
  • "журналістыка" (напрамак - аўдыёвізуальная) - 420 (у 2016 г. - 370);
  • "журналістыка" (напрамак - вэб-журналістыка) - 380 (у 2016 г. - 338);
  • "журналістыка" (напрамак - менеджмент сродкаў масавай інфармацыі) - 377 (у 2016 г. - 307);
  • "журналістыка" (напрамак - друкаваныя СМІ) - 371 (у 2016 г. - 327).

Надзея НІКАЛАЕВА

Выбар рэдакцыі

Грамадства

Колькасць «супрацьпрышчэпачнiкаў» змяншаецца, бо вакцыны даказваюць сваю эфектыўнасць

Колькасць «супрацьпрышчэпачнiкаў» змяншаецца, бо вакцыны даказваюць сваю эфектыўнасць

Сусветны тыдзень iмунiзацыi сёлета пройдзе з 24 да 30 красавiка пад лозунгам #Vaccines Work for AN# — «За агульны доступ да эфектыўных вакцын».

Грамадства

Карэспандэнты «Звязды» выправiлiся ў рэйд з супрацоўнiкамi ДАI

Карэспандэнты «Звязды» выправiлiся ў рэйд з супрацоўнiкамi ДАI

Абстаноўка на дарогах Мiнскага раёна — не з самых простых.

Грамадства

Нацыянальная акадэмія навук ініцыюе стварэнне народнага летапісу Вялікай Айчыннай вайны

Нацыянальная акадэмія навук ініцыюе стварэнне народнага летапісу Вялікай Айчыннай вайны

Навукоўцы звяртаюцца да кіраўніцтва абласных і раённых выканаўчых камітэтаў, устаноў адукацыі і культуры, грамадскіх арганізацый, усіх зацікаўленых грамадзян з просьбай разгарнуць работу па зборы ўспамінаў і фатаграфій удзельнікаў падзей Вялікай Айчыннай вайны.