Гамяльчанін Ягор Дубовік узяў найвышэйшую прыступку на 58-й Міжнароднай матэматычнай алімпіядзе ў Рыа-дэ-Жанэйра. Усяго беларускія школьнікі ў далёкай краіне заваявалі шэсць медалёў.
«Серабро» — ў мінчаніна Аляксея Васілеўскага, а бронзавыя медалі атрымалі чатыры навучэнцы ліцэя БДУ. У агульнакамандным заліку ў беларусаў 14 месца. 615 чалавек са 111 краін спаборнічалі сёлета ў штогадовым чэмпіянаце свету па матэматыцы, які праводзіцца з 1959 года сярод школьнікаў старшых класаў.
Выпускнік гомельскай гімназіі №51 Ягор Дубовік трэці раз выступаў за беларускую зборную. Пазалетась і летась ён атрымліваў «бронзу». Гэта алімпіяда для юнака стала самай паспяховай. Дарэчы, малады чалавек ужо паступіў у БДУ на прыкладную матэматыку. Ён прайшоў па-за конкурсам дзякуючы сваім мінулым дасягненням.
Ірына АСТАШКЕВІЧ
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».