Адразу некалькі канфліктаў у піцейных установах былі зарэгістраваныя ў Цэнтральным раёне Мінска, калі на іх выязджалі праваахоўнікі.
Напачатку ў дзяжурную частку Цэнтральнага РУУС сталіцы паступіла паведамленне пра канфлікт кліента з адміністрацыяй аднаго з бараў на вуліцы Зыбіцкай. Міліцыянерам мужчына растлумачыў, што раззлаваўся з-за няякаснага абслугоўвання, бо набытая ім шаўрма была халоднай. Пасля гутаркі супрацоўнікаў міліцыі з кліентам і адміністрацыяй канфлікт быў уладжаны.
Праз некалькі гадзін паступіла паведамленне пра тое, што п'яны наведвальнік аднаго з бараў па праспекце Пераможцаў прыстае да работнікаў і наведвальнікаў, правакуе і кідаецца ў бойку. Супрацоўнікі міліцыі затрымалі 24-гадовага мінчаніна і даставілі ў РУУС, дзе ў дачыненні да яго складзены адміністрацыйны пратакол за дробнае хуліганства.
Яшчэ двое наведвальнікаў сталічнага бара на Кастрычніцкай плошчы не былі згодныя з выстаўленым рахункам і адмаўляліся пакідаць установу. Пасля прыбыцця супрацоўнікаў міліцыі канфлікт быў уладжаны.
Як адзначыла афіцыйны прадстаўнік Цэнтральнага РУУС г. Мінска Таццяна Абозная, за дробнае хуліганства прадугледжана адміністрацыйная адказнасць у адпаведнасці з артыкулам 17.1. КоАП Рэспублікі Беларусь, а за непрад'яўленне па першым патрабаванні грамадзяніна кнігі заўваг і прапаноў адміністрацыйная адказнасць прадугледжана згодна з артыкулам 9.24 КоАП Рэспублікі Беларусь.
Сяргей РАСОЛЬКА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
