Вы тут

Парог па профільных прадметах трэба павышаць


Рэктары беларускіх ВНУ прапанавалі Міністэрству адукацыі разгледзець магчымасць павышэння парогавых значэнняў прахадных балаў па профільных прадметах. На іх думку, гэта забяспечыць больш якасны прыём ва ўстановы вышэйшай адукацыі.


Пры гэтым усе рэктары адназначна падтрымліваюць ЦТ як аптымальную форму правядзення ўступных выпрабаванняў.

— На працягу многіх гадоў мы праводзім аналіз карэляцыі балаў, атрыманых нашымі першакурснікамі на ЦТ, з вынікамі першай сесіі, — паведаміла падчас пасяджэння Рэспубліканскага савета рэктараў устаноў вышэйшай адукацыі з удзелам міністра адукацыі рэктар Мінскага дзяржаўнага лінгвістычнага ўніверсітэта Наталля БАРАНАВА. — І ў пераважнай большасці выпадкаў бачым станоўчую карэляцыю. Таму прыём па выніках ЦТ нас цалкам задавальняе.

Таксама на пасяджэнні прагучала прапанова скараціць тэрміны рэгістрацыі на ЦТ. Да гэтага рэгістрацыя стартавала 2 мая і праводзілася на працягу месяца. Рэктары прапануюць скараціць яе да трох тыдняў — з 10 мая па 1 чэрвеня.

Яшчэ адна з агучаных прапаноў — ажыццяўляць прыём выпускнікоў устаноў сярэдняй адукацыі на завочную форму навучання (як на бюджэтную, так і на ўмовах аплаты) толькі пры наяўнасці стажу работы. «Завочная і дыстанцыйная формы ад пачатку прызначаліся для тых, хто працуе», — падтрымаў ініцыятыву міністр адукацыі Ігар КАРПЕНКА.

У той жа час прапаноўваецца падтрымаць выпускнікоў устаноў прафтэхадукацыі і каледжаў, якія працуюць па спецыяльнасці, а таксама грамадзян, якія прайшлі тэрміновую воінскую службу ці службу ў рэзерве і маюць рэкамендацыі воінскіх часцей.

Надзея НІКАЛАЕВА

nіkаlаеvа@zvіаzdа.bу

Дадаць каментар

Выбар рэдакцыі

Грамадства

Школа заўтрашняга дня. У трэндзе — медыянавыкі, гейміфікацыя і сторытэлінг

Школа заўтрашняга дня. У трэндзе — медыянавыкі, гейміфікацыя і сторытэлінг

У мінулыя выхадныя сталічны бізнес-клуб «Імагуру» ўжо другі раз прымаў на сваіх плошчах педагагічную неканферэнцыю. 

Культура

Гісторыкі спадзяюцца знайсці дакладную дату заснавання Мірскага замка

Гісторыкі спадзяюцца знайсці дакладную дату заснавання Мірскага замка

Вызначыць дакладны час з'яўлення на Беларусі вядомага абарончага збудавання дагэтуль немагчыма, хоць розных гіпотэз існуе шмат.

Грамадства

«Ніколі не губляйце мару дзяцінства!»

«Ніколі не губляйце мару дзяцінства!»

Мы з Аленай Варановіч пазнаёміліся выпадкова, на вуліцы. Адразу разгаварыліся і знайшлі агульную мову. Тады за кубкам кавы яна сказала мне важныя словы: «Ніколі не губляй мару дзяцінства».

Спорт

Уладзімір Шантаровіч: Кажуць, я — геній, і мне гэта вельмі не падабаецца

Уладзімір Шантаровіч: Кажуць, я — геній, і мне гэта вельмі не падабаецца

Як трэнер пабудаваў сістэму, якая выхоўвае алімпійскіх чэмпіёнаў.