22 студзеня, панядзелак

Вы тут

Што зменіцца з 1 жніўня?


У сувязі са змяненнем бюджэту пражытковага мінімуму (нагадаем, з 1 жніўня БПМ устаноўлены ў памеры 197,57 беларускага рубля ў сярэднім на душу насельніцтва) зменіцца памер цэлага шэрагу выплат і дапамог.


Павялічацца мінімальныя працоўныя і сацыяльныя пенсіі і некаторыя надбаўкі

Гэта датычыцца надбавак, павышэнняў да пенсій і даплат асобам ва ўзросце 75 гадоў і старэйшым, якія атрымліваюць пенсіі ў органах па працы, занятасці і сацыяльнай абароне, а таксама дапамог па доглядзе інваліда І групы або чалавека, які дасягнуў 80-гадовага ўзросту.

  • Мінімальная пенсія па ўзросце з улікам даплаты ў памеры 20% ад сярэдняй зарплаты складзе 174,61 руб.
  • Сацыяльная пенсія інвалідам 1-й групы, у тым ліку інвалідам з дзяцінства, — 217,33 руб.
  • Сацыяльная пенсія інвалідам з дзяцінства 2-й групы — 187,69 руб.
  • Сацыяльная пенсія інвалідам 2-й групы (акрамя інвалідаў з дзяцінства), дзецям у выпадку страты карміцеля — 167,94 руб.
  • Сацыяльная пенсія інвалідам 3-й групы — 148,18 руб.
  • Сацыяльная пенсія дзецям-інвалідам да 18 гадоў пры першай ступені страты здароўя складзе 158,06 руб., пры другой ступені страты здароўя — 167,94 руб., трэцяй ступені — 187,69 руб., чацвёртай — 217,33 руб.
  • Даплаты да пенсій непрацуючым пенсіянерам, якія дасягнулі 75 гадоў, — 37,04 руб., 80 гадоў — 49,39 руб.

Павялічыцца дапамога па доглядзе дзіцяці ва ўзросце да трох гадоў

У сувязі з ростам за 2-і квартал гэтага года сярэднямесячнай заработнай платы работнікаў у краіне (па даных Белстата, яна склала 796,80 руб.) павялічваюцца памеры дапамогі па доглядзе дзіцяці ва ўзросце да 3 гадоў.

  • Дапамога па доглядзе першага дзіцяці будзе раўняцца 278,88 руб. (35% сярэднямесячнай заработнай платы).
  • Дапамога па доглядзе другога і наступных дзяцей складзе 318,72 руб. (40% сярэднямесячнай заработнай платы).
  • Дапамога па доглядзе дзіцяці-інваліда — 358,56 руб. (45% сярэднямесячнай заработнай платы незалежна ад чарговасці нараджэння гэтага дзіцяці ў сям'і).

Нагадаем, што ў чэрвені ў Беларусі змяніўся парадак перагляду выплаты дапамог па доглядзе дзіцяці ва ўзросце да трох гадоў. Цяпер пералік будзе праводзіцца двойчы на год: з 1 лютага і з 1 жніўня, а не раз на квартал, як раней.

Павялічацца некаторыя іншыя дзіцячыя дапамогі

У сувязі са змяненнем БПМ з 1 жніўня таксама зменіцца памер аднаразовых выплат у сувязі з нараджэннем дзіцяці. Ён залежыць ад бюджэту пражытковага мінімуму.

Аднаразовая дапамога ў сувязі з нараджэннем першага дзіцяці складзе 1975,7 руб. (10 БПМ), другога і наступных дзяцей — 2765,98 руб. (14 БПМ); па доглядзе дзіцяці-інваліда ва ўзросце да 18 гадоў — 197,57 руб. (1 БПМ); на дзяцей ва ўзросце ад 3 да 18 гадоў у перыяд выхавання дзіцяці ва ўзросце да 3 гадоў — 98,78 руб. (0,5 БПМ); на дзяцей ва ўзросце да 18 гадоў, інфіцыраваных вірусам імунадэфіцыту чалавека, — 138 руб. (0,7 БПМ).

Зменяцца мінімальныя спажывецкія бюджэты

У адпаведнасці з пастановай Міністэрства працы і сацыяльнай абароны з 1 жніўня па 31 кастрычніка гэтага года БПМ працаздольнага насельніцтва складзе 218,87 руб.; пенсіянераў — 151,98 руб.; студэнтаў — 192,79 руб.; дзяцей ва ўзросце да трох гадоў — 125,87 руб.; дзяцей ва ўзросце ад трох да шасці гадоў — 174,9 руб.; дзяцей ва ўзросце ад шасці да васямнаццаці гадоў — 215,5 руб.

Пражытковы мінімум для асноўных сацыяльна-дэмаграфічных груп насельніцтва складаецца з мінімальных набораў прадуктаў харчавання і нехарчовых тавараў і паслуг (іх кошт вызначаны ў памеры 77% ад кошту мінімальнага набору прадуктаў харчавання).

Святлана БУСЬКО

buskо@zvіаzdа.bу

Загаловак у газеце: Што зменіцца з 1 жніўня

Дадаць каментар

Выбар рэдакцыі

Грамадства

Звычайная настаўніца фізікі трапіла на адронны калайдар

Звычайная настаўніца фізікі трапіла на адронны калайдар

Што насамрэч адбываецца на мяжы Швейцарыі і Францыі, дзе на глыбіні каля ста метраў размяшчаецца Вялікі адронны калайдар?

Грамадства

Як мы наведалі курсы перападрыхтоўкі для беспрацоўных

Як мы наведалі курсы перападрыхтоўкі для беспрацоўных

Не так даўно навукоўцы выявілі, што стрэс ад страты або змены месца працы ўваходзіць у топ-3 самых моцных негатыўных перажыванняў сучасных людзей. 

Грамадства

Як беларускія дзяўчаты частавалі ліванцаў стравамі з бульбы

Як беларускія дзяўчаты частавалі ліванцаў стравамі з бульбы

Ваенныя медыкі Вера Паўлянковіч і Вольга Яхнавец  былі ў Ліване з міратворчай місіяй.