БАНАНЫ
— гэта маленькі цуд, які дапаможа пазбавіцца ад дэпрэсіі. Гэтыя жоўтыя фрукты ўтрымліваюць у сабе алкалоід харман, аснову якога складае «наркотык шчасця» — мескалін. Чалавек, пасля таго, як паеў бананаў, пачынае адчуваць сябе значна лепш, а калі ён дагэтуль знаходзіўся ў стане дэпрэсіі, яе як рукой здыме.
ПАМІДОРЫ
пазбаўляюць нас... сарамлівасці. Яны ўтрымліваюць у дастаткова вялікай колькасці 5-гідраксітрыптамін, чыё дзеянне нагадвае дзеянне сератаніну. Мы расслабляемся, страчваем «тармазы». Нездарма памідоры называюць часам «яблыкамі кахання».
ЧЫРВОНЫЯ ПРАДУКТЫ
(памідоры, маліны, клубніцы, вішня і г.д.) напаўняюць нас энергіяй. Паляпшаецца засваенне ежы і вывад таксінаў з арганізма. Чырвоны колер стымулюе да дасягнення жыццёвых мэтаў, надае мужнасці, сілы і ўпэўненасці ў сабе. Вы можаце пазбавіцца ад дэпрэсіі, дадаўшы ў рацыён дадатковыя яркія прадукты.
МАСЛІНЫ
— традыцыйная назва чорных алівак, якія атрымліваюць такую афарбоўку ў працэсе спецыяльнай апрацоўкі, якой падвяргаюцца ўсе плады аліўкавага дрэва, каб пазбавіцца ад характэрнай для іх горкасці. Масліны адрозніваюцца тонкім вытанчаным смакам, таму іх не фаршыруюць, у адрозненне ад зялёных алівак.
ПЯТРУШКА
зробіць нас мужнымі. Яшчэ ў Старажытным Рыме гладыятарам перад боем давалі пятрушку. Яна падвойвала сілы. Пятрушка ўтрымлівае шмат вітаміну С, а акрамя таго, мультывітаміннае рэчыва апіол, якое актыўна ўплывае на наш стан.
КАЛЬМАРЫ
— адзін з нямногіх экалагічна чыстых харчовых прадуктаў, які адпавядае ўсім патрабаванням людзей, што прытрымліваюцца здаровага ладу жыцця. Гэты далікатэс багаты вітамінамі групы В, вітамінам С, у ім утрымліваецца шмат мікраэлементаў, а таксама асобыя рэчывы, якія спрыяюць нармалізацыі выдзялення страўнікавага соку. Кальмары — лёгкая ежа, якая ў той жа час валодае высокай пажыўнай каштоўнасцю.
АЛІЎКАВЫ АЛЕЙ
цудоўна засвойваецца арганізмам. Калі капнуць сабе на руку крыху аліўкавага алею і паспрабаваць змыць, ён лёгка выдаліцца вадой без мыла. Наша цела, якое на 70% складаецца з вады, таксама лёгка ўсмоктвае яго. Праз паўтары гадзіны пасля таго, як вы ўжылі аліўкавы алей (напрыклад, разам з салатай), ён ужо выпарыцца праз поры. Для таго, каб выдаліць жывёльныя тлушчы, давядзецца доўга церці і выкарыстоўваць мыючыя сродкі.
САПРАЎДНАЯ ІТАЛЬЯНСКАЯ ПІЦА
— гэта не фаст-фуд, а цудоўны сродак супраць сардэчна-сасудзістых захворванняў. Нядаўняе даследаванне паказала, што спажыванне гэтага дасягнення кулінарыі памяншае рызыку інфаркту больш, чым у два разы.
Падрыхтавала Наталля МАЎЧАНАВА
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».