Вы тут

«Советской Белоруссии» — 90 гадоў


У нашы дні «СБ. Беларусь сегодня» лічыцца адным з самых аўтарытэтных дзяржаўных друкаваных перыядычных выданняў краіны. «Газета ідзе наперад разам з краінай і ўносіць свой уклад у яе развіццё», — сказаў учора на святкаванні 90-гадовага юбілею выдання першы намеснік кіраўніка Адміністрацыі Прэзідэнта Максім Рыжанкоў.


Максім Рыжанкоў адзначыў, што журналісты выдання выяўляюць праблемныя аспекты жыцця краіны, папулярызуюць яе важныя дасягненні. Многія матэрыялы служаць асновай для прыняцця адпаведных мер рэагавання і кіраўнічых рашэнняў. Першы намеснік кіраўніка Адміністрацыі Прэзідэнта ўручыў калектыву газеты Ганаровую грамату Адміністрацыі Прэзідэнта. Найлепшыя журналісты былі адзначаны персанальнымі ўзнагародамі.

Міністр інфармацыі Лілія Ананіч падкрэсліла, што «СБ. Беларусь сегодня» крочыць у нагу з часам. Газета з'яўляецца найбуйнейшым медыяхолдынгам, яна пашырыла свой уплыў праз інтэрнэт-прастору, але пры гэтым не страціла друкаванага ўплыву. Акрамя таго, міністр адзначыла паспяховую сумесную работу выдання ў FM-эфіры з «Альфа-радыё» і работу тэлеканала «СБ. Беларусь сегодня».

Галоўны рэдактар «СБ. Беларусь сегодня» Павел Якубовіч звярнуў увагу на тое, што канкурэнцыя на інфармацыйным рынку не проста ўзмацняецца, але і становіцца ўсё больш жорсткай. Цяпер практычна кожны чалавек сам можа стаць сродкам масавай інфармацыі. Але пры гэтым, на думку Паўла Якубовіча, вельмі важна даваць правераную інфармацыю, якой можна давяраць. І, вядома, каб заставацца актуальным выданнем, трэба пастаянна расці, каб даваць нешта цікавае, новае сваёй аўдыторыі.

Бясспрэчным з'яўляецца той факт, што «СБ. Беларусь сегодня» мае вялікае значэнне ў палітычным і грамадскім жыцці нашай краіны і пры гэтым застаецца цікавай для людзей розных пакаленняў. Нездарма выданне дванаццаць разоў прызнавалася найлепшай грамадска-палітычнай газетай Беларусі па выніках Нацыянальнага конкурсу друкаваных СМІ Міністэрства інфармацыі «Залатая Літара».

Святлана Бусько

busko@zviazda.by

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.