Вы тут

Муж і жонка з Гарадоцкага раёна заблукалі ў лесе, мужчына памёр


Двое пенсіянераў у Гарадоцкім раёне блукалі ў лесе каля 5 сутак, жанчыну ўдалося выратаваць, а яе муж памёр, паведаміла карэспандэнту БЕЛТА афіцыйны прадстаўнік УУС Віцебскага аблвыканкама Вольга Шкуратава.


Трывогу забіла дачка пары з вёскі Канчане. «Яна патэлефанавала ў міліцыю ў другой палове дня 31 ліпеня і паведаміла, што не можа датэлефанавацца да бацькоў. Апошні раз іх бачылі, калі маці прыязджала ў госці да сына ў Гарадок 28 ліпеня. Некалькі сутак доўжыліся пошукі, на якія былі прыцягнуты сілы і сродкі ратавальнікаў і міліцыі, і толькі сёння раніцай знайшлі жанчыну: шоргат пачуў іншы мясцовы жыхар, калі тая ўжо амаль выбралася з лесу на дарогу», — сказала Вольга Шкуратава.

Жанчына сталага веку, стомленая хаджэннем па лесе, змагла растлумачыць няшмат. Яна паведаміла, што яны з мужам адправіліся ўвечары 28 ліпеня ў грыбы і заблукалі. За дзень да таго, як яна змагла выбрацца, яе муж памёр, але месца пазначыць не змагла. Праводзяцца пошукі мужчыны. Задзейнічана радыёкіраваная авіямадэль, квадракоптар Віцебскага абласнога ўпраўлення МНС. Жанчына дастаўлена ў бальніцу для ацэнкі стану здароўя.

«Муж і жонка, адправіўшыся ў грыбы, не ўзялі з сабой тэлефон. Часта гэта становіцца вырашальным фактарам, — адзначыла Вольга Шкуратава. — У тым жа Гарадоцкім раёне 28 ліпеня заблукаў 10-гадовы хлопчык. Разам са старэйшым братам і двума сябрамі-аднагодкамі яны гулялі ў суседнім з іх вёскай Смалоўкай лесе. У нейкі момант кампанія распалася. Хлопчык застаўся адзін. Ён паспрабаваў патэлефанаваць бацькам, але тыя былі недаступныя. Тады ён набраў 102, і дзяжурны Гарадоцкага РАУС увесь гэты час вёў дзіця па тэлефоне. З яго дапамогай хлопчык знайшоў калкі — паказальнікі лясных высечак, прадыктаваў нумар, і ўжо хутка ў гэты квартал вырубкі прыбылі леснікі разам з міліцыяй. Дзіця паспяхова вярнулася дадому».

Загаловак у газеце: Трагедыі ў лесе

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.