Прынамсі, такое рашэнне прынялі арганізатары конкурсу з Еўрапейскага вяшчальнага саюза. З-за шэрагу скандалаў, якія адбыліся падчас падрыхтоўкі «Еўрабачання» ва Украіне, ЕВС унёс пэўныя змены ў рэгламент песеннага спаборніцтва.
Так, у наступным годзе ад усіх краін-удзельніц будуць патрабаваць, каб у складзе дэлегацый не было людзей, якім забаронена ўязджаць на тэрыторыю дзяржавы, што прымае конкурс. З іншага боку, павысіцца адказнасць прымаючага боку: у выпадку затрымак і парушэнняў рэгламенту ЕВС будзе мець права перадаць права на правядзенне «Еўрабачання» іншай краіне. Акрамя таго, краіна-гаспадыня конкурсу павінна забяспечыць усім артыстам магчымасць выступаць ужывую і вытрымаць цалкам непалітычны характар «Еўрабачання».
Яшчэ адно новаўвядзенне датычыцца членаў нацыянальных журы, ад якіх патрабуецца абсалютная неангажаванасць — яны мусяць не мець дачынення да любога з удзельнікаў конкурсу або песні і выстаўляць свае ацэнкі выключна з уласнага прафесійнага вопыту.
Тым часам Украіна павінна выплаціць штраф у сувязі з нядопускам на конкурс расійскай удзельніцы. Першы канал, у сваю чаргу, атрымаў вымову ад арганізатараў.
Вікторыя ЗАХАРАВА
Васілеўскія такія: на Зямлі і ў космасе ліхія!
Ідэнтычнасць праз спадчыну.
Беларусь — у тройцы лідараў па захваральнасці.