23 Люты, пятніца

Вы тут

У БДУІР самы высокі прахадны бал на платнае аддзяленне — 294 пункта


Як расказалі ў прэс-службе ўніверсітэта, самымі запатрабаванымі ў абітурыентаў спецыяльнасцямі як на платнай, так і на бюджэтнай формах навучання аказаліся "інфарматыка і тэхналогіі праграмавання" (380 балаў на бюджэт і 274 балы на платнае), "праграмнае забеспячэнне інфармацыйных тэхналогій" (прахадны бал на бюджэт 372, на платнае — 294). Замыкае ТОП-3 спецыяльнасць "інфармацыйныя сістэмы і тэхналогіі ў гульнявой індустрыі" (прахадны бал на бюджэт 370, на платнае — 267 балаў).


Уступную кампанію ў БДУІР можна лічыць амаль завершанай. Па яе выніках, усяго ў БДУІР залічана 3157 чалавек (з улікам набору на другую вышэйшую адукацыю і замежных студэнтаў). На дзённае аддзяленне залічана 904 абітурыенты, на завочнае прыняты 92 чалавекі, яшчэ 138 — на дыстанцыйнае навучанне. І 70 абітурыентаў будуць атрымліваць другую вышэйшую адукацыю (яны залічаны адразу на другі курс).

Як адзначае рэктар БДУІР Міхаіл БАТУРА, прыёмная кампанія прайшла паспяхова, на ўсе без выключэння формы атрымання адукацыі быў конкурс — канкурэнцыя сярод мацнейшых абітурыентаў. Прахадны бал як на бюджэт, так і на платную форму навучання вырас у параўнанні з мінулым годам. Так, самы нізкі прахадны бал, з якім можна было паступіць на дзённае аддзяленне на бюджэт у гэтым годзе, быў 257 (у мінулым годзе — 240), на платнае — 198 (у мінулым годзе 183).

144 абітурыента прайшлі працэдуру перезалічэння. Гэта звязана з тым, што пасля залічэння на бюджэт будучыя першакурснікі маглі забіраць дакументы, і, паколькі месцы вызваляліся, некаторыя абітурыенты сталі праходзіць на бюджэтныя месцы, альбо на спецыяльнасць, якая размяшчалася вышэй у расстаўленых імі ў сваім электронным кабінеце прыярытэтаў.

Падводзячы вынікі ўступнай кампаніі, Міхаіл Батура адзначыў зручнасць электроннага журнала. Дзякуючы гэтаму новаўвядзенню, працэс падачы заяў стаў вельмі  аператыўным, і чэргаў практычна не было. Раней за кожным аператарам быў замацаваны адзін факультэт, а цяпер абітурыенты маглі падаваць дакументы любому аператару — па прынцыпе "свабоднай касы". Усе дадзеныя зводзіліся ў электронны журнал. Кожны дзень яго распячатвалі і завяралі неабходнымі подпісамі і пячаткамі.

Канчаткова прыёмная кампанія 2017 года завершыцца 15 кастрычніка — менавіта па гэтую дату ўніверсітэт прымае дакументы ад замежных грамадзян.

Надзея НІКАЛАЕВА

Дадаць каментар

Выбар рэдакцыі

Грамадства

Андрэй Раўкоў: Я не марыў быць генералам

Андрэй Раўкоў: Я не марыў быць генералам

Мiнiстр абароны — пра складаны шлях да генеральскiх пагонаў, перспектывы развiцця беларускай армii i мiрнае неба над галавой.

Палітыка

«Народны абраннік — гэта як рака паміж двума берагамі»

«Народны абраннік — гэта як рака паміж двума берагамі»

Пра асаблівасці дэпутацкай дзейнасці, працу з насельніцтвам і творчы настрой.

Грамадства

У госці да беларусачкі

У госці да беларусачкі

Васьмігадовая мадэль са Жлобіна любіць катацца на цягніку. А ў вольны час лепіць з бабуляй калдуны.

Грамадства

Іван Кірчук: Я 14 гадоў жыў адзін і больш не планаваў ніякай сям'і

Іван Кірчук: Я 14 гадоў жыў адзін і больш не планаваў ніякай сям'і

«Вой, Іван Іванавіч, а дзе ваша барада?» Само сабой вырвалася ў мяне гэтае пытанне, калі адчыніла дзверы ў этналабараторыю і ўбачыла лідара гурта «Этна-трыа «Троіца»...