16 Ліпень, панядзелак

Вы тут

Тры медалі заваявалі студэнты БДУ на алімпіядзе па матэматыцы


24-я міжнародная студэнцкая матэматычная алімпіяда завяршылася ў Балгарыі. Зборную БДУ прадстаўлялі чатыры студэнты. “Серабро” прынеслі свайму ўніверсітэту трэцякурснік факультэта прыкладной матэматыкі і інфарматыкі Святаслаў Бардачоў і першакурснікі таго ж факультэта Лізавета Манжуліна і Барыс Серанкоў. А чацвёртакурснік механіка-матэматычнага факультэта БДУ Аляксандр Ражкоў атрымаў па выніках спаборніцтваў пахвальны водгук.


Усяго ў алімпіядзе прынялі ўдзел звыш за тры сотні студэнтаў больш чым з 40 краін. У гэтым годзе ўдзельнікам прапаноўвалася вырашыць дзесяць задач, якія ахопліваюць наступныя раздзелы: матэматычны аналіз, лінейную і абстрактную алгебру, функцыянальны аналіз, аналітычную геаметрыю, камбінаторыку і тэорыю чыслаў. Рабочая мова спаборніцтваў — англійская.

Кіраўніком зборнай БДУ выступіла дацэнт кафедры нелінейнага аналізу і аналітычнай эканомікі механіка-матэматычнага факультэта Ганна Бузулуцкая.

Варта дадаць, што студэнты БДУ ўдзельнічаюць у Міжнароднай студэнцкай алімпіядзе па матэматыцы з 2001 года. За гэты час яны заваявалі каля 80 медалёў рознай вартасці.

Надзея НІКАЛАЕВА

Дадаць каментар

Выбар рэдакцыі

Грамадства

Як працуюць нарыхтоўшчыкі чарніц у сезон

Як працуюць нарыхтоўшчыкі чарніц у сезон

«За два тыдні зарабіў 1400 рублёў».

Культура

Роза Рымбаева: Мая галоўная мара збылася

Роза Рымбаева: Мая галоўная мара збылася

Народная артыстка Казахстана ацаніла «Славянскі базар у Віцебску» вышэй за «Еўрабачанне».

Эканоміка

У Мінску аплачаную маёмасць не аддаюць ва ўласнасць, а прадаюць з аўкцыёну

У Мінску аплачаную маёмасць не аддаюць ва ўласнасць, а прадаюць з аўкцыёну

Памяшканні не здадзеныя ў эксплуатацыю, забудоўшчык аб'явіў аб банкруцтве.