16 Ліпень, панядзелак

Вы тут

Айчынныя аграрыі намалацілі больш за 3 мільёны тон збожжа


Такая лічба з'явілася ў зводцы аператыўнай інфармацыі на сайце Міністэрства сельскай гаспадаркі і харчавання. Па стане на 9 жніўня, усяго ў Беларусі было намалочана 3,175 мільёна тон збожжа пры сярэдняй ураджайнасці ў 35,6 ц/га.


Лідарам па намалоце з'яўляецца Брэсцкая вобласць — яе работнікі дасягнулі паказчыка ў 880,6 тысячы тон пры сярэдняй ураджайнасці ў 37,1 ц/га. Следам ідзе Мінская вобласць, аграрыі якой намалацілі 681,7 тысячы тон пры сярэдняй ураджайнасці ў 37,2 ц/га. Трэцяе месца сярод беларускіх рэгіёнаў займае Гомельшчына — тут сабралі 572,4 тысячы тон збожжа пры сярэдняй ураджайнасці ў 28,9 ц/га.

Работнікі Гродзенскай вобласці па стане на ўчарашні дзень намалацілі 539,3 тысячы тон збожжа пры самай высокай ураджайнасці ў краіне ў 44,3 ц/га, тады як у Магілёўскай вобласці паказчыкі складаюць 341,8 тысячы тон пры сярэдняй ураджайнасці ў 34,4 ц/га. Апошнім рэгіёнам, які ўключыўся ў жніво, стала Віцебская вобласць, аграрыі якой убралі 159,3 тысячы тон збожжа пры сярэдняй ураджайнасці ў 31,4 ц/га.

Што да збожжавых і зернебабовых, то яны сабраны з 891 тысячы гектараў, што складае 41% ад усёй уборачнай плошчы. Па гэтым паказчыку таксама лідзіруе Брэсцкая вобласць, дзе аграрыі ўжо прыбралі 71,1% плошчаў. Следам ідзе Гомельская вобласць, работнікі якой апрацавалі ўжо 55,9% плошчаў. Трэцяе месца займае Гродзенская вобласць з паказчыкам у 38,1%.

Уладзіслаў ЛУКАШЭВІЧ

lukashevich@zvіazda.by

Загаловак у газеце: Паказчыкі — на вышыні!

Дадаць каментар

Выбар рэдакцыі

Грамадства

Як працуюць нарыхтоўшчыкі чарніц у сезон

Як працуюць нарыхтоўшчыкі чарніц у сезон

«За два тыдні зарабіў 1400 рублёў».

Культура

Роза Рымбаева: Мая галоўная мара збылася

Роза Рымбаева: Мая галоўная мара збылася

Народная артыстка Казахстана ацаніла «Славянскі базар у Віцебску» вышэй за «Еўрабачанне».

Эканоміка

У Мінску аплачаную маёмасць не аддаюць ва ўласнасць, а прадаюць з аўкцыёну

У Мінску аплачаную маёмасць не аддаюць ва ўласнасць, а прадаюць з аўкцыёну

Памяшканні не здадзеныя ў эксплуатацыю, забудоўшчык аб'явіў аб банкруцтве.