Вы тут

Восенню беларусы могуць праявіць сябе ў творчых тэлеконкурсах


Тэлеканал АНТ сумесна са Спецыяльным фондам Прэзідэнта Рэспублікі Беларусь па падтрымцы таленавітай моладзі, Міністэрствам культуры і Беларускай дзяржаўнай акадэміяй музыкі абвясціў прыём заявак у праект «Талент краіны». Улічваючы грамадскую значнасць і шырокую папулярнасць, гэты агульнарэспубліканскі дзіцячы тэлевізійны конкурс сёлета распачынае другі сезон.


«Вун­дэр­кінд джа­за» з Са­лі­гор­ска, юная пі­я­ніст­ка Са­фія Кур­ло­віч ста­ла пе­ра­мож­цай  пра­ек­та «Та­лент кра­і­ны» ў ма­лод­шай уз­рос­та­вай гру­пе. Пер­шын­ство ў ста­рэй­шай уз­рос­та­вай гру­пе атры­маў ма­ла­ды пі­я­ніст і кам­па­зі­тар, мін­ча­нін Мі­кі­та Шас­та­коў.

Як і раней, да ўдзелу ў ім запрашаюцца таленавітыя беларускія дзеці і падлеткі ва ўзросце ад 5 да 15 гадоў, незалежна ад рэгіёна пражывання, а таксама творчыя дзіцячыя калектывы (колькасцю не болей за тры чалавекі). Адбор будзе праходзіць па чатырох кірунках: вакальны жанр, харэаграфічнае майстэрства, інструментальнае майстэрства і арыгінальны жанр (у апошнюю катэгорыю ўключаны акцёрскае майстэрства, цыркавыя нумары і мастацкая дэкламацыя). Акрамя таго, зазначаюць стваральнікі «Таленту краіны», захаваецца і адмысловая «разынка» тэлепраекта — запрашаць у госці на кожную праграму таленавітых дзяцей з няпростымі жыццёвымі гісторыямі: выхаванцаў дзіцячых дамоў і інтэрнатаў, дзяцей з абмежаванымі магчымасцямі. Пра кожнага з іх творчая каманда праекта падрыхтуе падрабязныя сюжэты, што дасць магчымасць прыцягнуць да іх увагу дабрачынных арганізацый, аказаць пэўную падтрымку на жыццёвым і творчым шляху.

Пер­шы се­зон дзі­ця­ча­га тэ­ле­кон­кур­су атры­маў­ся хва­лю­ю­чым і ві­до­вішч­ным.

Але ўсё гэта — у будучым часе. Пакуль жа тэлеканал гатовы прыняць першыя заяўкі (запоўніць анкеты ўдзельнікаў можна наўпрост на сайце ont.by ва ўкладцы «Праекты/Талент краіны-2») і рыхтуецца да адборачных тураў, якія пройдуць 2—5 верасня з 10 да 18 гадзін у Беларускай дзяржаўнай акадэміі музыкі.


Расійскі Першы канал скончыў кастынгі на шоу «Голас-6», якое неўзабаве выйдзе ў эфір. Сярод кандыдатаў на ўдзел у вакальным конкурсе былі заўважаны і беларускія артысты — у тым ліку Руслан Аляхно. Навошта спявак, у творчым багажы якога ўжо ёсць перамогі ў тэлепраектах «Народны артыст» і «Адзін у адзін!», паездка на «Еўрабачанне» і ордэн «За ўнёсак у развіццё культуры Расіі», падаецца на чарговы конкурс? Уласна, з той жа мэтай, што і іншыя, не менш тытулаваныя артысты: ні творчага вопыту, ні тэлевізійных эфіраў, ні новых слухачоў зашмат не бывае. Ці дапамаглі былыя заслугі Руслану прайсці адбор і трапіць у лік 150 удзельнікаў «Голасу-6», даведаемся літаральна праз некалькі тыдняў.

Хутка падвядзе вынікі кастынгу і «Фабрыка зорак», якая вяртаецца на тэлеэкраны праз 10 гадоў. Яна будзе выходзіць на канале «МУЗ-ТБ» пад кіраўніцтвам небезвядомага прадзюсара Віктара Дробыша і лагічнай назвай «Новая фабрыка зорак». Сярод кандыдатаў на ўдзел у гэтым праекце таксама адзначыліся нашы землякі — напрыклад, фіналістка леташняга нацыянальнага адбору на «Еўрабачанне» Аляксандра Ткач, а таксама яшчэ цэлы шэраг артыстаў-пачаткоўцаў.

Вікторыя ЗАХАРАВА

Фота прэс-службы АНТ

Загаловак у газеце: Талент трэба паказваць

Дадаць каментар

Выбар рэдакцыі

Грамадства

Перадабортнае кансультаванне — гэта перш за ўсё клопат пра жанчыну

Перадабортнае кансультаванне — гэта перш за ўсё клопат пра жанчыну

У ліпені ў Мінску ў трох паліклініках — 10-й, 23-й і 37-й — былі адкрыты кабінеты «За жыццё», дзе праводзяць перадабортнае кансультаванне.

Грамадства

Наколькі складана ў нашай краіне стаць кандыдатам і доктарам навук?

Наколькі складана ў нашай краіне стаць кандыдатам і доктарам навук?

Ці лічыце вы мэтазгодным устанаўленне адзіных патрабаванняў да саіскальнікаў вучоных ступеняў па колькасці апублікаваных навуковых работ незалежна ад галіны навукі?

Культура

«Не выбірай жонку ў агародзе, а шукай у карагодзе»

«Не выбірай жонку ў агародзе, а шукай у карагодзе»

Фалькларыст і этнахарэограф Сяргей Выскварка ведае, што кажа. 

Грамадства

Ці ўсім быць вундэркіндамі?

Ці ўсім быць вундэркіндамі?

Сучасныя малыя ведаюць алфавіт, але не ўмеюць гуляць.