Вы тут

Ці магчыма правесці капрамонт за месяц?


Такі эксперымент, што мае на мэце палепшыць якасць капітальнага рамонту і выявіць рэзервы для скарачэння затрат на работы, пачнецца восенню на спецыяльна адабраных пілотных аб'ектах сталіцы і іншых рэгіёнаў краіны. Пра гэта расказалі прадстаўнікі Міністэрства ЖКГ і Мінскай гарадской жыллёвай гаспадаркі.


Пры гэтым у месячны тэрмін капрамонту не ўваходзяць падрыхтоўчыя работы.

— Каб выконваць капрамонт за месяц, трэба праводзіць вялікую падрыхтоўчую працу са спажыўцом, размаўляць з ім і даносіць да яе ўсю інфармацыю: пра склад работ, графік атрымання доступу ў кватэру і іншае. Каб не было потым пытанняў з праектнай дакументацыяй і не з'явіліся схаваныя дадатковыя работы, якія не былі выяўлены раней, — акцэнтаваў увагу Андрэй РАМАШКА, начальнік упраўлення жыллёвай гаспадаркі Міністэрства ЖКГ. — Калі ўсё гэта будзе зроблена, то не ўзнікне ніякай складанасці з тым, каб увайсці ў дом і выканаць працу за месяц.

Каб дасягнуць разумення з жыхарамі і выканаць графік работ, магчыма, дзесьці будуць арганізаваны і дадатковыя змены будаўнікоў, каб было зручна ўсім, мяркуе спецыяліст.

— Капітальны рамонт за месяц прадугледжвае выкананне асобных відаў работ у кватэры (замена газавых камунікацый, сістэм водазабеспячэння і каналізацыі), а не капрамонт усяго дома, — падкрэсліла Валянціна ЧЫГІР, начальнік аддзела ДА «Мінская гарадская жыллёвая гаспадарка». — Напрыклад, адрамантаваць тыя ж балконы за месяц немагчыма.

Увогуле, заканадаўча цяпер прадугледжана, што на капрамонт дома патрабуецца 3,5—5 месяцаў. На падставе вынікаў эксперыменту нарматыўныя тэрміны правядзення капрамонту будуць перагледжаны.

Капітальнага рамонту патрабуе каля 10% жылля краіны, кажуць спецыялісты.

— У 90-я гады аб'ёмы капрамонту былі надта нізкія. Ды і ў 2010-м, напрыклад, выконваўся рамонт толькі 1% аб'ёму ўсёй эксплуатаванай плошчы жылля. Сёлета мы выходзім на 2,3% — гэта запланаваныя 2,6 млн м2 для капітальнага рамонту па ўсёй краіне. Згодна ж з дзяржаўнай праграмай «Камфортнае жыллё і спрыяльнае асяродзе» аб'ёмы капрамонту да 2020 г. павінны дасягнуць 3% у год. Гэта аптымальны штогадовы паказчык, які дазволіць у далейшым не павялічваць так званую зону недарамонту, — расказаў Андрэй Рамашка.

Дастойным паказчыкам дасягненняў апошняга дзесяцігоддзя быў названы ўзровень старога і аварыйнага жылля, які ў краіне не падымаецца вышэй за 0,1%. Добры знак таксама — штогадовае нарошчванне аб'ёмаў капрамонту.

— У 2015-м было адрамантавана 670 тыс. м2, сёлета мы збіраемся зрабіць 794 тыс. м2. А ўвогуле, Мінск гатовы штогод рамантаваць да мільёна квадратных метраў пры наяўнасці сродкаў, — паведаміла Валянціна Чыгір. — Што датычыцца добраўпарадкавання дваравых тэрыторый, то мы робім у Мінску падходы да жылых дамоў, падходы да пад'езда. Для арганізацыі безбар'ернага асяроддзя ў некаторых месцах робім з'езды, усталёўваем поручні. Віды работ у параўнанні з тымі, што выконваліся ў папярэднія гады, крыху скараціліся.

За кошт адлічэнняў грамадзян па-ранейшаму аплачваецца да 30% сумы кошту капрамонту. З бюджэту сёлета на капітальны рамонт выдзелена 224 млн рублёў, а ўсяго патрэбна 300 млн.

Ірына СІДАРОК

sіdarok@zvіazda.by

Дадаць каментар

Выбар рэдакцыі

Культура

Топ беларускіх дыялектызмаў, якія вы маглі не ведаць

Топ беларускіх дыялектызмаў, якія вы маглі не ведаць

Нязвыклая форма — заўсёды штуршок для пошуку.

Культура

Як мог выглядаць Мінск? Ведае беларускі архіў

Як мог выглядаць Мінск? Ведае беларускі архіў

Дзе замежнікі вывучаюць савецкую архітэктуру.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра бунт малога, выпадак на ферме і цікавае выступленне на вяселлі.