19 Кастрычнік, чацвер

Вы тут

Як будзе прымяняцца новы закон па дзіцячых дапамогах


Міністэрства працы і сацыяльнай абароны ў сувязі са зваротамі грамадзян растлумачыла некаторыя асаблівасці прымянення навацый новай рэдакцыі Закона «Аб дзяржаўных дапамогах сем'ям, якія выхоўваюць дзяцей».


Новыя нормы ўступілі ў сілу з 1 ліпеня гэтага года. Гэта не датычыцца вылічэнняў і перыядычнасці пераразліку памераў дапамогі па доглядзе дзіцяці ва ўзросце да 3 гадоў, якія ўступілі ў сілу з 1 жніўня гэтага года.

Што датычыцца памераў дапамогі па доглядзе дзіцяці ва ўзросце да 3 гадоў, то ў ліпені яны засталіся такімі ж, як і ў чэрвені 2017 года.

Незалежна ад даты падачы заявы на той ці іншы від дапамогі (да 1 ліпеня або пасля 1 ліпеня 2017 года) нормы новай і старой рэдакцыі закона прымяняюцца наступным чынам.

Па адначасовых дапамогах (у сувязі з нараджэннем дзіцяці і жанчынам, якія сталі на ўлік у арганізацыях аховы здароўя да 12-тыднёвага тэрміну цяжарнасці):

  • нормы новага закона прымяняюцца, калі права на аднаразовую дапамогу паўстала 1 ліпеня 2017 года і пазней; нормы старога закона прымяняюцца, калі права на аднаразовую дапамогу ўзнікла па 30 чэрвеня гэтага года ўключна.

Па дапамогах па цяжарнасці і родах і дапамогах па часовай непрацаздольнасці па доглядзе дзіцяці:

  • нормы новай рэдакцыі закона прымяняюцца, калі права на названыя дапамогі (дата пачатку бальнічнага) з'явілася 1 ліпеня 2017 года і пазней. Нормы старой рэдакцыі закона прымяняюцца, калі дзень узнікнення права на гэтыя дапамогі (дата пачатку бальнічнага) — па 30 чэрвеня 2017 года ўключна.

Па штомесячных дапамогах

Гэта датычыцца дапамог па доглядзе дзіцяці ва ўзросце да 3 гадоў, на дзяцей ва ўзросце ад 3 да 18 гадоў, на дзяцей, старэйшых за 3 гады з асобных катэгорый сем'яў, на дзіця ва ўзросце да 18 гадоў, інфіцыраванага вірусам імунадэфіцыту чалавека, па доглядзе дзіцяці-інваліда ва ўзросце да 18 гадоў:

калі штомесячныя дапамогі прадугледжаны за перыяд па 30 чэрвеня 2017 года ўключна, то прымяняюцца нормы старой рэдакцыі закона. Калі штомесячныя дапамогі прадугледжаны за перыяд з 1 ліпеня 2017 года і пазней — прымяняюцца нормы новай рэдакцыі закона.

Усе новаўвядзенні па штомесячных дапамогах, права на якія выдзяляецца новай рэдакцыяй закона (калі такое права адсутнічае ў старой рэдакцыі), уводзяцца ў дзеянне з 1 ліпеня бягучага года.

Грамадзянам прадастаўлены 6-месячны тэрмін для падачы заявы і атрымання дапамог (права на якія ўзнікла па новых нормах) за ўвесь перыяд, пачынаючы з 1 ліпеня 2017 года.

Гэты тэрмін заканчваецца 2 студзеня 2018 года.

Святлана БУСЬКО

buskо@zvіаzdа.bу

Дадаць каментар

Выбар рэдакцыі

Грамадства

Арыгінальныя лекі ці джэнерыкі?

Арыгінальныя лекі ці джэнерыкі?

Які шлях абраць, каб не адстаць ад канкурэнтаў.

Грамадства

У старажытным Нясвіжы распачалася новая праваслаўная трыдыцыя

У старажытным Нясвіжы распачалася новая праваслаўная трыдыцыя

У мінулую нядзелю прайшоў хросны ход у гонар Абраза Багародзіцы Адзігітрыі. 

Грамадства

Гісторыі беларусаў, якія працуюць пасля 90 гадоў

Гісторыі беларусаў, якія працуюць пасля 90 гадоў

«Інтэрв'ю? Ну, толькі калі хутка, а то ў мяне вельмі шмат работы», — сказаў адзін з нашых герояў, калі тэлефанавалі дамовіцца на сустрэчу.