19 Кастрычнік, чацвер

Вы тут

Слаўгарад запрашае адзначыць Мядовы Спас


Мядовы Спас, Спас на вадзе, Спасаўка, Макавей, Ласаўка, Мядовае, або Пчалінае свята — назвы першага Спаса, які праваслаўныя адзначаюць 14 жніўня. Слаўгарад запрашае адзначыць яго на адной з унікальных крыніц Беларусі — Блакітнай.


Ужо сёння тут пачне працаваць кірмаш, дзе можна пакаштаваць свежага мядку і смачнага самаробнага сыру, ацаніць вырабы народных умельцаў. Арганізатары абяцаюць насычаную культурную і спартыўную праграму. Будзе арганізаваны пракат байдарак і веласіпедаў, запрацуюць дзіцячыя атракцыёны. Тут чакаюць шмат паломнікаў, якія прымуць удзел у вячэрнім і ранішнім богаслужэнні. Кульмінацыяй слаўгарадскага Макавея стане чацвёртае рэгіянальнае свята-конкурс «Спас — усяму час» з удзелам творчых калектываў Магілёўскай і іншых абласцей. У нядзелю і панядзелак будзе наладжаны рэгулярны рух аўтобусаў па маршруце Слаўгарад — Блакітная крыніца, 14 жніўня транспарт будзе курсіраваць кожную гадзіну, пачынаючы з 9.00 і да 16.00.

Нагадаем, што Блакітная крыніца існавала яшчэ да Хрышчэння Русі. Тут радзімічы праводзілі свае магічныя рытуалы і пакланяліся славянскім багам. Пасля перамогі ваяводы Уладзіміра Чырвонае Сонейка — Воўчага Хваста над свавольным племем, тут адбылося хрышчэнне радзімічаў. Старыя людзі кажуць, што гэта месца асаблівае, бо тут на працягу некалькіх стагоддзяў гучалі словы малітвы.

У праваслаўі Мядовы Спас гэта яшчэ і пачатак кароткага, але вельмі строгага Успенскага посту, які будзе доўжыцца да 28 жніўня.

Нэлі ЗІГУЛЯ

zіgulya@zvіazda.by

Загаловак у газеце: Блакітная крыніца запрашае

Дадаць каментар

Выбар рэдакцыі

Грамадства

Арыгінальныя лекі ці джэнерыкі?

Арыгінальныя лекі ці джэнерыкі?

Які шлях абраць, каб не адстаць ад канкурэнтаў.

Грамадства

У старажытным Нясвіжы распачалася новая праваслаўная трыдыцыя

У старажытным Нясвіжы распачалася новая праваслаўная трыдыцыя

У мінулую нядзелю прайшоў хросны ход у гонар Абраза Багародзіцы Адзігітрыі. 

Грамадства

Гісторыі беларусаў, якія працуюць пасля 90 гадоў

Гісторыі беларусаў, якія працуюць пасля 90 гадоў

«Інтэрв'ю? Ну, толькі калі хутка, а то ў мяне вельмі шмат работы», — сказаў адзін з нашых герояў, калі тэлефанавалі дамовіцца на сустрэчу.