Каб быць эфектыўным, Кодэкс аб здароўі павінен мець пад сабой падрыхтаваную глебу. Такую думку аб новым для краіны дакуменце выказаў член Савета Рэспублікі Нацыянальнага сходу Беларусі па адукацыі, навуцы, культуры і сацыяльным развіцці і начальнік упраўлення аховы здароўя Віцебскага аблвыканкама Юрый Дзяркач.
«Каб быць эфектыўным, новы дакумент аб здароўі павінен мець пад сабой падрыхтаваную глебу. У адваротным выпадку, нават пры наяўнасці матэрыяльна-тэхнічнай базы, высокім узроўні медыцыны і іншых службаў, але пры адсутнасці свядомасці людзей, мы нічога зрабіць не зможам», — лічыць сенатар.
Таксама Юрый Дзяркач у інтэрв'ю газеце «Витебские вести» расказаў пра разгледжаныя камісіяй законапраекты. «Адна з самых важных, на мой погляд, тэм датычыцца матывацыі да нараджэння дзяцей і стварэння дадатковых умоў для маладой сям'і. Цяпер разглядаецца законапраект аб тым, каб жанчыны, якія маюць больш за адно дзіця і знаходзяцца ў дэкрэтным водпуску, атрымлівалі даплаты і на іншых непаўналетніх дзяцей. Паступова дзяржпадтрымка сем'яў з дзецьмі павялічваецца. І гэта як ніколі дарэчы. У Беларусі назіраецца зніжэнне колькасці жанчын актыўнага дзетароднага ўзросту, паколькі ў яго пачало ўступаць малаколькаснае пакаленне 1990-х гг. Паступовае зніжэнне ўзроўню нараджальнасці рэгіструецца ва ўсіх рэгіёнах. У нас такую негатыўную тэндэнцыю ўдалося кампенсаваць за кошт павелічэння колькасці нараджэння другога, трэцяга і наступнага дзяцей, у чым не апошнюю ролю адыгрываюць прэферэнцыі для шматдзетных сем'яў», — паведаміў член Савета Рэспублікі.
Вераніка ПУСТАВІТ
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
