У дарожна-транспартным здарэнні, якое адбылося ў Калужскай вобласці, загінуў адзін грамадзянін Беларусі, дзевяць нашых суайчыннікаў былі шпіталізаваны.
Консульская служба пасольства Беларусі ў Расіі са спасылкай на інфармацыю ДІБДР паведаміла, што на 138-ым кіламетры Калужскай шашы аўтадарогі Масква—Малаяраславец—Рослаўль адбылося ДТЗ з удзелам двух транспартных сродкаў, якія маюць беларускую рэгістрацыю. Усе пацярпелыя беларусы шпіталізаваны ў Малаяраславецкую цэнтральную раённую бальніцу і Калужскую абласную бальніцу. Адзін з іх знаходзіцца ў рэанімацыі ў цяжкім стане. Згодна з папярэдняй інфармацыяй, усе пацярпелыя пражываюць у Гомельскай вобласці, за выключэннем аднаго жыхара Гродзенскай вобласці. Загінулы з'яўляўся жыхаром Калінкавічаў. Ідзе ўдакладненне звестак па астатніх пасажырах (у транспартных сродках знаходзілася 37 грамадзян Беларусі), інфармацыя накіроўваецца ў абласныя УУС для інфармавання сваякоў. Консульская служба пасольства знаходзіцца ў пастаянным кантакце з медыцынскімі ўстановамі, УУС і ДІБДР рэгіёна. Паводле папярэдняй інфармацыі, кіроўца аўтамабіля «Фольксваген Мультывэн» выехаў на паласу сустрэчнага руху, затым у кювет, што пацягнула датычнае сутыкненне аўтамабіля «Мерседэс-Бенц» (Тонар) з аўтобусам «Неаплан»
Сяргей РАСОЛЬКА
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».