Вы тут

Міфы, цмок і беларуская песня


Фестываляў не бывае шмат, асабліва, калі праводзяць іх не ў сталіцы, а ў маленькіх гарадах. Напрыклад, паехаць «У госці да Лепельскага Цмока» — вартая нагода, каб не толькі паслухаць музыку, але і даведацца аб беларускай міфалогіі.


Гурт «Лепшы квас»

Арганізатары праекта адзначылі, што мэта фестывалю — не толькі забаўляць і адукоўваць, але і разбурыць міф, што сімваламі Беларусі могуць быць толькі зубры ды буслы. Таму што цмок — самая беларуская з усіх міфічных істот — прысутнічае ў народнай творчасці ўжо шмат стагоддзяў. Да таго ж лепельскі цмок добры, а не злы, як звычайна думаюць. Чаму ж помнік яму ўсталявалі менавіта ў Лепелі? Лепельскі цмок вядомы з легендаў і міфаў, ён самы папулярны сярод беларускіх цмокаў. Яшчэ больш у гэта сталі верыць пасля выхаду рамана Уладзіміра Караткевіча «Хрыстос прызямліўся ў Гародні», дзе пісьменнік дэталёва апісаў цмока. Гэтым апісаннем скарыстаўся скульптар Леў Аганаў і стварыў помнік цмоку з Лепеля. Яго ўсталявалі 9 лістапада 2013 года, а ў райвыканкаме вырашылі штогод праводзіць фестываль беларускай міфалогіі ў атмасфернай мясціне каля возера ў лепельскім гарадскім парку.

Уваход на лепельскі фестываль будзе вольным, трапіць на яго лёгка нават з Мінска, адкуль арганізаваны бас-тур. Чаму варта завітаць «У госці да Лепельскага Цмока» 20 жніўня? Па-першае, каб убачыць шмат маладых і таленавітых беларусаў, асабліва маладзёжны этна-праект «Патрыцыя-Гарэза», паслухаць фальклорныя гурты «Малала» і полацкі «Варган», патанцаваць у танцавальнай лагчыне, дзе будуць арганізаваны майстар-класы па музыцы, спевах, танцах. Беларускую сучасную музыку можна паслухаць у выкананні гуртоў «Лепшы квас», «Тутэйшыя», дуэта «Агата» (гэта новая музыка са спалучэнняў беларускага фальклору, еўрапейскага этнаджаза і лацінаамерыканскага танга), Нarmonic Style Project. Словы беларускіх паэтаў прагучаць у спевах Зміцера Вайцюшкевіча. Запрасілі арганізатары фольк-рок гурт «Рокаш» і легендарны «Палац» з Алегам Хаменкам, гасцей з Украіны TaRuta і «Спеўны ход» з Сержуком Доўгушавым.

Падчас фестывалю будуць дзейнічаць інтэрактыўныя зоны: на дзіцячым пагорку вас чакаюць казкі, гульні, спектаклі ад казачніцы Ларысы Рыжковай і гурта «Калыханка», на кулінарным востраве прэзентуюць кнігу «Кулінарная спадчына Лепельшчыны», у даліне майстроў можна набыць сувеніры і цікавыя рэчы ад рамеснікаў, а пасля паглядзець (ці нават паўдзельнічаць) у шоу паветраных змеяў.

Маргарыта ДЗЯХЦЯР

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».