Навукоўцам-разумнікам дзячу я —
Вынаходзяць яны з году ў год.
Тэлеграф, тэлефон, тэлебачанне...
Кажуць, вынайдуць тэлепорт.
Дазваніцца ў вёску любую
Можаш з Арктыкі ці з Гвінеі.
— Прывітанне! Ты чуеш? — Чую!
— Як там маці? Як сад квітнее?
Твой званок мяне ў пушчы знойдзе,
На арбіце мяне дагоніць...
Акадэмік «на сувязь выходзіць»,
Першакурснікі «тэлефоняць».
Дзіцяняткі мабільнікі маюць,
Але што ж гэта будзе далей?
Людзі ноччу і днём размаўляюць,
А дамовіцца ўсё цяжэй!
Ўсё цяжэй уявіць пачутае
І пачутае зразумець.
Чалавецтва глухое пакутуе —
Дайце рады яму ацалець!
Хай прадоўжыцца век электронны,
Але я загадаю жаданне:
Каб пачуліся без тэлефонаў
І ўсё зразумелі зямляне.
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.