Магілёўскія аграрыі паспелі завяршыць уборачную кампанію яшчэ да таго, як на вобласць абрушыўся дождж. Шклоўскі раён стаў абсалютным лідарам і па ўраджайнасці — 78,8 цэнтнера з гектара (ААТ «Александрыйскае»), і па колькасці сабранага ўраджаю — 133,6 тысячы тон. На другім месцы Магілёўскі раён з ураджайнасцю 74,5 (ЗАТ «Агракамбінат «Зара») і 124,4 тысячы тон збожжа. Болей чым па 65 цэнтнераў з гектара збіралі аграрыі аграгаспадарак «Калгас «Радзіма» Бялыніцкага раёна і «Кастрычнік» — Мсціслаўскага.
Першымі ў краіне пяць тысяч тон збожжа намалацілі экіпажы камбайнераў ЗАТ «Агракамбінат» Зара» — бацька і сын Уладзімір і Вадзім Корсакі, а таксама Уладзімір Мельнікаў і Аляксей Макосаў. Столькі ж збожжа перавезлі ад камбайнаў кіроўцы гэтага аграпрадпрыемства Юрый Манкевіч і Хасія Лангуры. Па пяць тысяч тон збожжа перавезена і кіроўцамі Шклоўскага раёна Віталем Цемруком (ЗАТ «Амкадор-Шклоў») і Ігарам Ярашовым ААТ «Александрыйскае».
Але тэмп сельскагаспадарчых работ на Магілёўшчыне не зніжаецца. Як паведамілі ў камітэце па сельскай гаспадарцы і харчаванні Магілёўскага аблвыканкама, зараз поўнай хадой ідзе ўзорванне зябліва пад азімыя, пасеў азімага рапсу, уборка бульбы.
Нэлі ЗІГУЛЯ
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!