Вы тут

Фестываль «Алімпія» сабраў рэкордную колькасць удзельнікаў


Аб гэтым заявіў сакратар ЦК БРСМ, каардынатар праекта Дзмітрый ТУРОНАК. Ва ўжо традыцыйным мерапрыемстве для працуючай моладзі, якое прайшло з 25 па 27 жніўня, прыняло ўдзел больш за 800 чалавек. Гэта дваццаць спартыўных камандаў, эксперты ў розных галінах, а таксама госці фестывалю. Удзельнікі сабраліся на беразе маляўнічай ракі Іслач у Валожынскім раёне, каб паспрабаваць свае сілы ў розных спартыўных спаборніцтвах, а таксама наведаць адукацыйныя пляцоўкі.


Удзельнікі фестывалю паспаборнічалі ў футболе, баскетболе, перацягванні каната, дартсе, гіравым спорце, пешаходным турызме, а таксама ўпершыню — у экстрым-сплаве на байдарках. Нягледзячы на шырокі спартыўны складнік, цэнтральнае месца ў фестывалі было адведзена адукацыйнаму блоку. Акцэнт быў зроблены менавіта на навучанні маладых людзей, чаму спрыялі розныя трэнінгі, сесіі, майстар-класы і інтэлектуальныя турніры.

Урачыстае адкрыццё адбылося пры ўдзеле міністра інфармацыі Ліліі Ананіч, старшыні Цэнтральнай камісіі па выбарах і правядзенні рэспубліканскіх рэферэндумаў Лідзіі Ярмошынай, членаў Савета Рэспублікі, а таксама першага сакратара ЦК БРСМ Андрэя Белякова.

— Маладосць — гэта не толькі ўзрост, але і тое, што чалавек нясе ў сваім сэрцы. Таму ўсе, хто прыязджае на гэты фестываль, — гэта людзі, маладыя сваімі справамі і памкненнямі, — сказала міністр інфармацыі Лілія АНАНІЧ. — Я лічу, што рэалізавацца ў жыцці можна толькі тады, калі актыўна працуеш у соцыуме. Калі працуеш і на сябе, і на краіну — толькі тады ўсё атрымаецца.

На адкрыцці фестывалю да маладых людзей звярнулася і старшыня Цэнтрвыбаркама Лідзія ЯРМОШЫНА. «Тут як быццам існуе свой мікраклімат, тут заўсёды цёпла. Я думаю, што энергія тых маладых сэрцаў, якія прыехалі сюды, разганяе хмары над Валожынскім раёнам і стварае цудоўную атмасферу, — з упэўненасцю заявіла Лідзія Ярмошына. — БРСМ за названы перыяд змог эфектыўна асвоіць нішу маладзёжных грамадскіх арганізацый».

Адразу пасля заканчэння афіцыйнай цырымоніі адкрыцця адбылася галоўная адукацыйная падзея мерапрыемства — адкрыты дыялог запрошаных экспертаў і ўдзельнікаў «Алімпіі-2017» на тэму «Бітва за моладзь: паміж інфармацыяй і прапагандай».

Падчас дыялогу міністр інфармацыі Лілія Ананіч адзначыла, што жыхары нашай краіны сталі больш выбарачна ставіцца да інфармацыі ў інтэрнэце. Этап насычэння ў перспектыве абавязкова зменіцца этапам асэнсавання. «Навошта патрэбен інтэрнэт? Што карыстальнік хоча там атрымаць? Вы хочаце прафесійную інфармацыю, знайсці сяброў, абмяняцца меркаваннем? Сёння ў грамадстве і дзяржаве ідуць глыбокія працэсы асэнсавання ролі і значэння інтэрнэт-тэхналогій у развіцці інфармацыйнай сферы», — падкрэсліла міністр. Лілія Ананіч таксама дадала, што сёння Міністэрства інфармацыі аналізуе міжнародны вопыт і бачыць неабходнасць удасканальваць заканадаўства ў сферы інтэрнэт-інфармавання.

Уладзіслаў ЛУКАШЭВІЧ

lukashevich@zvіazda.by

Фота Марыны БЕГУНКОВАЙ

Загаловак у газеце: Свята спорту і адукацыі

Дадаць каментар

Выбар рэдакцыі

Грамадства

Як на школьных уроках вучаць арыентавацца ў медыясвеце?

Як на школьных уроках вучаць арыентавацца ў медыясвеце?

Сваім вопытам дзеляцца чэшскія спецыялісты.

Грамадства

Студэнцкая сям'я — пра жыццё ў інтэрнаце, агульны бюджэт і будучыню

Студэнцкая сям'я — пра жыццё ў інтэрнаце, агульны бюджэт і будучыню

Студэнцкая сям'я Бабак расказала, як яны дзеляць дамашнія абавязкі, дзе збіраюцца падпрацоўваць і хто першы ідзе мірыцца.

Грамадства

Піратэхнічны выраб — гэта фактычна тое ж выбуховае рэчыва

Піратэхнічны выраб — гэта фактычна тое ж выбуховае рэчыва

«Звязда» пагутарыла з афіцыйным прадстаўніком МНС Віталем НАВІЦКІМ.

Эканоміка

Як найбліжэйшая пяцігодка зменіць сельскагаспадарчую галіну?

Як найбліжэйшая пяцігодка зменіць сельскагаспадарчую галіну?

Гэта адна з найбольш важных даходных пазіцый для бюджэту.