Вы тут

«Дарога да Святыняў» яднае ўсіх


Сёння ад сцен мінскага Свята-Духавага кафедральнага сабора пасля малебну і бласлаўлення адпраўляецца чарговая штогадовая навукова-асветніцкая экспедыцыя «Дарога да Святыняў», якая нясе з сабой Дабратворны Агонь, запалены каля Гроба Гасподняга. Як у кожны з дваццаці трох папярэдніх гадоў, экспедыцыя мае на мэце шырока распаўсюджваць веды пра гісторыю Беларусі і яе праваслаўнай царквы, праводзіць творчыя сустрэчы ў сценах устаноў культуры і адукацыі, наведваць бальніцы, сацыяльныя прытулкі, праводзіць памінальнае набажэнства на месцах пахавання абаронцаў Айчыны. Разам з жыхарамі гарадоў і вёсак паломнікі будуць садзіць дрэўцы агульнага саду Малітвы. У складзе экспедыцыі — вядомыя айчынныя навукоўцы, пісьменнікі, дзеячы культуры і мастацтва.


Удзель­ні­кі экс­пе­ды­цыі ў час па­мі­наль­на­га на­ба­жэн­ства  на Свя­тым по­лі пад Ба­ра­на­ві­ча­мі,  дзе па­ха­ва­ныя ах­вя­ры ба­ёў мі­ну­лых ста­год­дзяў  (фо­та 2016 го­да).

Лампаду, запаленую ад Дабратворнага Агню каля Гроба Гасподняга ў Іерусаліме, удзельнікі экспедыцыі прынясуць сёння супольным хрэсным ходам на Святое поле пад Баранавічамі, у храм вёскі Сталовічы таго ж раёна. Затым экспедыцыя пабывае ў гарадскім пасёлку Радунь і блізкім да яго раённым цэнтры Воранава. У апошні дзень жніўня ўдзельнікі экспедыцыі сустрэнуцца з жыхарамі горада Астравец, гарадскога пасёлка Варапаева, аграгарадка Порплішча. 1 верасня экспедыцыю сустрэнуць у Докшыцах, Бягомлі, Лепелі. 2 верасня маршрут праляжа па Ушацкім раёне. Месцам завяршэння пяцідзённага паломніцтва па традыцыі стане сталіца Дня беларускага пісьменства.

На сайце газеты «Звязда» можна будзе штодзень знаёміцца з фотарэпартажамі пра тое, што ўбачылі ўдзельнікі экспедыцыі на сваім шляху праз Мінскую, Брэсцкую, Гродзенскую, Віцебскую вобласці.

Яўген Пясецкі

pyasecki@zviazda.by

Выбар рэдакцыі

Грамадства

Як жывуць апошнія жыхары вёскі Вясневічы

Як жывуць апошнія жыхары вёскі Вясневічы

Галоўная славутасць Вясневічаў, яе жывая гісторыя — 96-гадовы Аляксей Юркевіч.

Культура

Наталля Батракова: Чытачы пішуць, што мае героі нібыта працуюць у суседнім офісе

Наталля Батракова: Чытачы пішуць, што мае героі нібыта працуюць у суседнім офісе

З Наталляй Батраковай мы сустрэліся на адкрыцці абноўленай кнігарні «Светач», што на сталічным праспекце Пераможцаў, 11. 

Калейдаскоп

Вясёлыя гісторыі чытачоў

Вясёлыя гісторыі чытачоў

Чакаем смешных гісторый і ад вас!