Вы тут

Напярэдадні Дня ведаў Прэзідэнт уручыў дзяржаўныя ўзнагароды педагогам


Відаць, упершыню дзень дзяржаўных узнагарод у Палацы Незалежнасці быў цалкам прысвечаны педагогам. Ад выхавальнікаў дашкольных устаноў, настаўнікаў сярэдніх школ і да выкладчыкаў каледжаў і ўніверсітэтаў — кожны з іх дасягнуў вышынь у сваім майстэрстве і валодае ўнікальным досведам.


— Наша сустрэча асаблівая, — падкрэсліў Прэзідэнт Аляксандр Лукашэнка ў вітальным слове. — Яна адрозніваецца ад падобных мерапрыемстваў тым, што сёння ў зал запрошаны найлепшыя работнікі сістэмы адукацыі.

Многія з іх, дарэчы, былі ўдзельнікамі Рэспубліканскага педагагічнага савета.

— Мне прыемна бачыць тут людзей, якія фарміруюць маральную і духоўную аснову маладога пакалення беларусаў, — прызнаўся кіраўнік краіны. — Прывіваючы ім з дзяцінства любоў да сапраўдных каштоўнасцяў, перадаючы свае веды, вы садзейнічаеце станаўленню адукаванай, культурнай і працалюбівай беларускай нацыі.

Кожнае дзіця мае патрэбу ў выхаванні з маленства:

— Таму велізарнае значэнне набывае якасць работы дашкольных устаноў, — канстатаваў Аляксандр Лукашэнка. — Яна ў першую чаргу залежыць ад выхавальнікаў, ад іх душэўнай цеплыні і ўмення падабраць ключык да кожнага малога. Такія людзі заслугоўваюць усялякай падтрымкі і заахвочвання.

Удастоены дзяржаўных узнагарод за свае працоўныя поспехі, высокі прафесіяналізм, вернасць прызванню педагога найлепшыя кіраўнікі і настаўнікі сталічных, абласных і раённых школ і гімназій. Кіраўнік дзяржавы выказаў упэўненасць, што ўзнагароды стануць для іх добрым стымулам у далейшай, яшчэ больш паспяховай працы.

— Важную ролю іграе прафесійна-тэхнічная адукацыя, мы пра гэта ўжо казалі, — зазначыў Прэзідэнт. — Мы дасягнулі ў развіцці нашай прафесійна-тэхнічнай адукацыі немалых поспехаў. Запатрабаванасць яе ў краіне і ў замежных партнёраў з'яўляецца своеасаблівым знакам якасці. Узнагародамі былі адзначаны найлепшыя прадстаўнікі ліцэяў і каледжаў з Віцебска, Івацэвічаў, Крычава, Мінска, Магілёва, Пінска.

Што да вышэйшай школы, то, звярнуў увагу кіраўнік дзяржавы, многія вышэйшыя навучальныя ўстановы паспяхова ўкараняюць інавацыйныя метады навучання, становяцца сапраўднымі цэнтрамі прасоўвання навукова-тэхнічнага прагрэса як у рэгіёнах, так і ў сталіцы. Ганаровыя званні і падзякі атрымалі рэктары і старшыні ВНУ. Усе яны, як адзначыў Прэзідэнт, «знаходзяцца на аднолькавай ступені развіцця і падрыхтоўкі будучых спецыялістаў».

Напрыканцы Аляксандр Лукашэнка, які з асаблівай павагай ставіцца да прафесіі настаўніка, да яго ролі ў жыцці грамадства, дзяржавы, пажадаў удзельнікам доўгіх гадоў жыцця, шчасця, дабрабыту і новых дасягненняў у іх нялёгкай, але такой пачэснай працы.

Надзея ЮШКЕВІЧ

yushkevich@zviazda.by

Фота БЕЛТА

Загаловак у газеце: Узорная прафесія

Выбар рэдакцыі

Культура

У Кіеве Уладзімір Караткевіч цудам выратаваўся ад аварыі і двойчы закахаўся

У Кіеве Уладзімір Караткевіч цудам выратаваўся ад аварыі і двойчы закахаўся

Горад, «дзе былі помнікі і прыгожыя будынкі, зялёныя бульвары і ціхія хаткі на ўскраінах, дзе быў нават універсітэт, а значыцца, існавала г

Грамадства

Прафесар Мiкалай Запрудскі: Вера ў дзiця — галоўны падарунак

Прафесар Мiкалай Запрудскі: Вера ў дзiця — галоўны падарунак

Для паспяховых школ характэрны клiмат высокiх чаканняў.

Грамадства

Гродзенец наводзiць парадак на зямлi i аднаўляе старажытны млын

Гродзенец наводзiць парадак на зямлi i аднаўляе старажытны млын

Гэтыя мясцiны Яўген Дарагуш памятае з дзяцiнства.

Спорт

Любоў Чаркашына: Мастацкая гiмнастыка — гэта цэлы свет

Любоў Чаркашына: Мастацкая гiмнастыка — гэта цэлы свет

Мастацкая гiмнастыка — гэта любоў. У выпадку з беларускай гiмнастыкай можна сказаць, што гэта яшчэ i Любоў Чаркашына.