З грузінскай дэлегацыяй сустрэчу правялі спікеры верхняй і ніжняй палат беларускага парламента.
Уладзімір Андрэйчанка, старшыня Палаты прадстаўнікоў Нацыянальнага сходу, у вітальным слове адзначыў станоўчую дынаміку ў развіцці гандлёва-эканамічных адносін паміж нашымі краінамі. «Пачынаючы з 2016 года назіраецца рост. За мінулы год тавараабарот склаў 73 мільёны долараў», — адзначыў спікер.
Пры гэтым станоўчыя тэндэнцыі захаваліся і сёлета. На думку Уладзіміра Андрэйчанкі, на гэта паўплывалі ўдасканаленне дагаворна-прававой базы, плённая праца паслоў і парламентарыяў. Акрамя таго, ён паведаміў пра развіццё ўзаемадзеяння і ў палітычнай сферы. Зараз рыхтуецца візіт старшыні парламента Грузіі Іраклія Кабахідзэ ў Рэспубліку Беларусь 20—22 лістапада. Старшыня Палаты прадстаўнікоў заклікаў разам з парламенцкай дэлегацыяй прыцягнуць да сумеснай работы бізнес-супольнасць, кіраўнікоў міністэрстваў і ведамстваў.
Міхаіл Мясніковіч, старшыня Савета Рэспублікі Нацыянальнага сходу, звярнуў увагу на рост цікаўнасці беларусаў да турыстычных вандровак у Грузію, а таксама на канструктыўную работу беларускіх і грузінскіх СМІ, устаноў культуры. Па яго словах, гэта «спрыяе фарміраванню сяброўскіх кантактаў». Сенатар заклікаў больш актыўна выкарыстоўваць патэнцыял двухбаковага міжрэгіянальнага супрацоўніцтва.
Вераніка ПУСТАВІТ
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
