Вы тут

У Полацку прайшоў фінал конкурсу юных чытальнікаў «Жывая класіка»


У Полацку прайшоў фінал конкурсу юных чытальнікаў «Жывая класіка», які сёлета ўпершыню набыў статус рэспубліканскага. Сваім яскравым прачытаннем нашай літаратурнай спадчыны школьнікі з усёй краіны радавалі высокіх гасцей. І ўсім было відавочна: калі беларускае слова гучыць з вуснаў маладога пакалення, значыць, яно сапраўды жывое.


У журы конкурсу ўвайшлі міністр інфармацыі Лілія Ананіч, міністр адукацыі Ігар Карпенка, міністр культуры Барыс Святлоў, старшыня Саюза пісьменнікаў Беларусі Мікалай Чаргінец, пісьменнік, галоўны рэдактар часопіса «Вясёлка» Уладзімір Ліпскі і іншыя. Усе яны сышліся ў меркаванні, што кожны ўдзельнік фіналу прадэманстраваў надзвычай высокі ўзровень чытання твораў. Міністр інфармацыі Лілія АНАНІЧ адзначыла:

— Калі мы прымалі рашэнне, што менавіта ў Полацку пройдзе фінал рэспубліканскага конкурсу «Жывая класіка», мы былі ўпэўнены, што ўсе беларускія дзеці вельмі любяць і шануюць выдатнае слова пісьменніка. І, безумоўна, класічная літаратура, якая выкладаецца ў школе, — гэта не толькі веды, але і падмурак асобы дзіцяці. Прэзідэнт нашай краіны Аляксандр Лукашэнка павіншаваў усіх удзельнікаў з Днём беларускага пісьменства і ў сваім прывітальным слове адзначыў, што гэта свята стала неад'емнай часткай, сімвалам незалежнасці нашай дзяржавы. Гэта высокія словы — для нашых дарагіх дзяцей. Мы робім усё, каб маладое пакаленне ўзбагачалася крыніцай і мудрасцю, вытокамі нацыянальнай літаратуры і той духоўнасці, якая ёсць у кожнага з нас. Але самае галоўнае, што менавіта ў Полацку мы пабачылі нашы найлепшыя творчыя дзіцячыя сілы. А ўсе 13 тысяч дзетак, якія прынялі ўдзел у конкурсе, — гэта таксама пераможцы.

Нечаканым і прыемным сюрпрызам для фіналістаў рэспубліканскага конкурсу сталі бясплатныя пуцёўкі ў Нацыянальны дзіцячы адукацыйна-аздараўленчы цэнтр «Зубраня» на змену таленавітай моладзі ў 2018 годзе і сертыфікаты на наведванне музеяў на працягу навучальнага года.

Міністр культуры Барыс Святлоў адзначыў, што ўсе члены журы адзінагалосна сышліся на тым, што кожны ўдзельнік гэтага конкурсу — надзвычай таленавіты. Было бачна, што юныя чытальнікі варты самых высокіх узнагарод, бо ўклалі часцінку сваёй душы ў творы нашых класікаў і сучаснікаў.

Міністр адукацыі Ігар КАРПЕНКА, між іншым, расказаў пра свае карані ў старажытным горадзе:

— Прыемна вяртацца ў свой родны Полацк, дзе прайшло дзяцінства, школьныя гады. Прыемна з гэтай сцэны прывітаць старажытны і малады горад. Прыемна вітаць і ўсіх удзельнікаў конкурсу — тое, што вы стаіце на гэтай сцэне — ужо перамога. Няхай у вашай творчасці атрымаецца ўсё так, як вы задумалі.

Будзем спадзявацца, што і сапраўды далейшы шлях у юных талентаў складзецца надзвычай шчасліва. А іначай і быць не можа, калі грунтуецца ён на моцных падмурках нацыянальнай спадчыны.

Падчас Дня беларускага пісьменства былі ўзнагароджаны і лаўрэаты Нацыянальнай літаратурнай прэміі. Падрабязней аб гэтым — у наступным нумары.

 

Загаловак у газеце: Пісьменства як сімвал незалежнасці

Выбар рэдакцыі

Грамадства

Так цёпла, як у першым паўгоддзі, бывае адзін раз у 30 год

Так цёпла, як у першым паўгоддзі, бывае адзін раз у 30 год

За апошнія 30 гадоў у нас у краіне ў параўнанні з нормай 1961—1990 гадоў, якая ўжываецца як апорная пры ацэнцы значэнняў змены клімату, пацяплела на 1,3 градуса.

Грамадства

Ці прапаноўвае прыдарожны сэрвіс беларускую кухню?

Ці прапаноўвае прыдарожны сэрвіс беларускую кухню?

Міністэрства транспарту і камунікацый цяпер распрацоўвае генеральную схему развіцця прыдарожнага сэрвісу да 2025 года.

Грамадства

Гісторыя пра тое, як партызаны пайшлі па соль, а выратавалі дзевяць чалавек

Гісторыя пра тое, як партызаны пайшлі па соль, а выратавалі дзевяць чалавек

Гэты аповед даслаў нам у рэдакцыю наш даўні чытач з Вялікай Бераставіцы Міхаіл Маскальчук.

Грамадства

Што паглядзець у Хоцімску?

Што паглядзець у Хоцімску?

У Хоцімску нават ёсць кола агляду.