Паступова і ва ўсіх рэгіёнах краіны дазволяць нарыхтоўку гэтай дзікарослай ягады.
Летась дзяржава закупіла ў насельніцтва 724,1 тоны журавін, яшчэ сотні тон збіраюць у спецыяльных гаспадарках і на плантацыях. Значная колькасць дзікарослай ягады традыцыйна ідзе на экспарт.
Нарыхтоўка журавін сёлета афіцыйна дазволена з пачатку восені. З 1 верасня — у Брэсцкай вобласці, з 2 верасня — у Гомельскай, з 6 верасня — у Гродзенскай, з 8 верасня — у Мінскай і Магілёўскай, з 9 верасня — у Віцебскай вобласці, паведамілі ў Міністэрстве прыродных рэсурсаў і аховы навакольнага асяроддзя.
Збіраць журавіны можна толькі ва ўстаноўленыя тэрміны і па правілах, інакш магчымы буйныя штрафы. Батанікі сёлета не чакаюць рэкордных ураджаяў журавін з-за веснавых замаразкаў. Дарэчы, акрамя дзікарослых ягад, меншым чым звычайна можа быць і ўраджай грыбоў.
Сяргей РАСОЛЬКА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
