Члены Савета Рэспублікі Нацыянальнага сходу не засталіся ў баку ад святочных мерапрыемстваў, прысвечаных Дню ведаў. Яны наведалі ўстановы адукацыі, куды прыехалі з каштоўнымі падарункамі.
Старшыня Савета Рэспублікі Міхаіл Мясніковіч разам з іншымі членамі верхняй палаты парламента, выбранымі ад Мінска, у тым ліку Мар'янай Шчоткінай, віцэ-спікерам верхняй палаты, наведаў сталічны дом-інтэрнат для дзяцей-інвалідаў з асаблівасцямі псіхафізічнага развіцця. Парламентарыі прыехалі ва ўстанову не з пустымі рукамі. Яны набылі спецыяльную мэблю для чатырох класных пакояў, а таксама тэлевізар. Падчас свята дзецям таксама ўручылі ранцы з усімі неабходнымі канцылярскімі прыладамі. Акрамя таго, намеснік старшыні Савета Рэспублікі, старшыня «Беларускага саюза жанчын» Мар'яна Шчоткіна наведала Ждановіцкую спецыяльную агульнаадукацыйную школу-інтэрнат у складзе дэлегацыі Беларускага саюза жанчын.
Старшыня Пастаяннай камісіі Савета Рэспублікі па эканоміцы, бюджэце і фінансах Уладзімір Панцюхоў паўдзельнічаў ва ўрачыстай лінейцы ў Чавускай абласной сярэдняй школе, над якой бярэ шэфства ўжо больш як дзесяць гадоў. Парламентарый павіншаваў выхаванцаў і педагагічны калектыў з пачаткам навучальнага года і ўручыў дзецям падарункі і спартыўны інвентар.
Ірына Старавойтава, старшыня Пастаяннай камісіі па адукацыі, навуцы, культуры і сацыяльным развіцці, наведала Клімавіцкі цэнтр карэкцыйна-развіваючага навучання і рэабілітацыі і ўручыла ад Савета Рэспублікі падарункавы сертыфікат на набыццё тэлевізара. Акрамя таго, парламентарый прыняла ўдзел у раённай канферэнцыі педагагічных работнікаў «Адукацыя — стратэгічны рэсурс рэгіёна».
Старшыня Пастаяннай камісіі па заканадаўстве і дзяржаўным будаўніцтве Ала Бодак наведала сацыяльна-педагагічны цэнтр (прытулак) Цэнтральнага раёна Мінска. У ходзе мерапрыемства парламентарый пацікавілася патрэбамі цэнтра, а таксама праблемамі, з якімі сутыкаецца яго калектыў. Выхаванцам прытулку сенатар уручыла падарункі — настольныя, рухомыя і іншыя гульні — і спартыўны інвентар, набытыя за кошт спонсарскіх сродкаў.
Вераніка ПУСТАВІТ
Фота БЕЛТА
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.