Супрацоўнікі сталічнага наркакантролю пры падтрымцы байцоў спецпадраздзялення «Алмаз» затрымалі за незаконны абарот наркотыкаў 44-гадовага грамадзяніна Расіі.
Як паведамілі ў ГУУС Мінгарвыканкама, аператыўнікі мелі інфармацыю, што мужчына займаецца пастаўкамі наркотыкаў з Масквы ў Мінск. У дзень затрымання ён прывёз чарговую партыю тавару — восем пакункаў гераіну, кожны вагой па тры грамы, якія ў далейшым планавалася прадаць. Прычым прывезены быў наркотык у сабе. Замежны госць быў дастаўлены ў бальніцу, дзе пасля наркатычны сродак быў канфіскаваны.
Афіцыйна мужчына нідзе не працуе, жыве ў Мінску ў знаёмых, раней судзімы ў Беларусі за разбой і махлярства. У 2015 годзе ён вызваліўся з месцаў пазбаўлення волі і быў дэпартаваны ў Расію з забаронай на ўезд у нашу краіну на 10 гадоў.
Сяргей РАСОЛЬКА
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
