Вы тут

Ад «мультыфабрыкі» — да кіберспорту


Рэспубліканскі тыдзень устаноў дадатковай адукацыі дзяцей і моладзі стартаваў у краіне.

Ён уяўляе сабой своеасаблівую рэкламную кампанію аб'яднанняў па інтарэсах, якая традыцыйна праводзіцца на пачатку навучальнага года. Дні адкрытых дзвярэй, майстар-класы, выстаўкі творчых работ, кансультацыі для дзяцей і іх бацькоў будуць праходзіць паўсюдна да 9 верасня, а ўрачыстае закрыццё адбудзецца ў суботу ў Брэсце.


— Сёння ў сістэме дадатковай адукацыі дзяцей і моладзі працуюць 297 устаноў і 31 тысяча аб'яднанняў па інтарэсах 12 профіляў, — расказала журналістам галоўны спецыяліст упраўлення сацыяльнай, выхаваўчай і ідэалагічнай работы Міністэрства адукацыі Таццяна ДРАПАКОВА. — Разнастайнасць і варыятыўнасць адукацыйных праграм дадатковай адукацыі дазваляе кожнаму, у залежнасці ад яго патрэб і схільнасцяў, знайсці сабе занятак па душы. А задача педагогаў дадатковай адукацыі — дапамагчы зарыентавацца ў гэтым моры магчымасцяў. Для гэтага і праводзяцца паўсюдна дні адкрытых дзвярэй...

Дадатковая адукацыя не толькі дазваляе арганізаваць вольны час дзяцей і падлеткаў. Не менш важна, што яна стварае ўмовы для асобаснага і прафесійнага самавызначэння навучэнцаў. Не ўсе дзеці паспяховыя ў школе, але ў сістэме дадатковай адукацыі яны могуць сябе рэалізаваць, асабліва калі трапляюць у групу аднадумцаў, з якімі робяць агульную справу. Гэта вельмі важна ў эпоху інтэрнэту і гаджэтаў, якія пазбаўляюць дзяцей рэальных стасункаў і ўскладняюць іх сацыялізацыю...

Кожная з рэспубліканскіх устаноў дадатковай адукацыі дзяцей і моладзі збіраецца прапанаваць у гэтым годзе, акрамя традыцыйных, таксама і новыя кірункі.

— Мабільная і прамысловая робататэхніка, інжынерны дызайн CAD, нейракіраванне, кіберспорт, прататыпіраванне, дапоўненая рэальнасць — такі блок праграм мы плануем запусціць у гэтым навучальным годзе ў нашай установе, — паведаміў дырэктар Рэспубліканскага цэнтра інавацыйнай і тэхнічнай творчасці Сяргей САЧКО. 

У Рэспубліканскім цэнтры экалогіі і краязнаўства вялікай папулярнасцю карыстаюцца ландшафтны дызайн, гурток юных экскурсаводаў, спартыўны турызм, спартыўнае арыентаванне, скалалажанне... Між іншым, у 2020 годзе скалалажанне будзе ўпершыню прадстаўлена на летніх Алімпійскіх гульнях у Токіа. Гэты від спорту актыўна набірае папулярнасць. Не застаецца ўбаку ад гэтай сусветнай тэндэнцыі і наша краіна.

У бягучым навучальным годзе сумесна з ПРААН на базе Рэспубліканскага цэнтра экалогіі і краязнаўства будзе створаны нацыянальны рэсурсны цэнтр па вывучэнні водных рэсурсаў і каардынацыі дзейнасці «зялёных школ», а ў кастрычніку сумесна з кампаніяй «Кока-Кола» тут адкрыюць сучасную лабараторыю па вывучэнні водных рэсурсаў.

Старшакласнікаў павінны зацікавіць навуковыя аб'яднанні «Батаніка і прыкладная мікалогія», «Генетыка і селекцыя», «Гідрабіялогія» і «Мікрабіялогія», «Глебазнаўства» і «Арніталогія».

У Нацыянальным цэнтры мастацкай творчасці дзяцей і моладзі канстатуюць вялікую цікавасць з боку школьнікаў і моладзі да аб'яднанняў па інтарэсах, звязаных з эканамічнай адукаванасцю, інтэлектуальным развіццём, развіццём логікі і эрудыцыі. Для прыкладу, на яго базе дзейнічае гурток інтэлектуальных гульняў «Сакрат» для моладзі ва ўзросце ад 16 да 23 гадоў. А для школьнікаў тут адкрываецца гурток «Мульт-фабрык», дзе дзятву будуць знаёміць з усімі этапамі стварэння мультфільма, а таксама навучаць розным тэхнікам: маляванню, пластылінавай і лялечнай анімацыі, стоп-моўшэн і іншым. Таксама тут аб'яўлены набор у гурток сучаснай харэаграфіі «хіп-хоп».

Надзея НІКАЛАЕВА

nіkalaeva@zvіazda.by

Дадаць каментар

Выбар рэдакцыі

Грамадства

На працягу стагоддзя «Звязда» застаецца зоркай беларускай перыёдыкі

На працягу стагоддзя «Звязда» застаецца зоркай беларускай перыёдыкі

Пра гэта ўчора казалі высокія госці на ўрачыстым мерапрыемстве, прымеркаваным да юбілею газеты.

Спорт

Анастасія Марыніна: Баскетбол 3х3 — гэта заўсёды відовішча

Анастасія Марыніна: Баскетбол 3х3 — гэта заўсёды відовішча

Гэта адзін з нямногіх гульнявых відаў спорту, што былі ўключаны ў праграму ІІ Еўрапейскіх гульняў. 

Грамадства

«Захад-2017». Постфактум

«Захад-2017». Постфактум

Задачы сумеснага стратэгічнага вучэння выкананы на высокім узроўні.

Грамадства

На Гродзеншчыне ўшанавалі хлеб, лён, бульбу, памідор і дуб

На Гродзеншчыне ўшанавалі хлеб, лён, бульбу, памідор і дуб

Самабытныя, смачныя і пазнавальна-творчыя святы адбыліся сёлета ў розных раёнах Гродзеншчыны.