26 Верасень, серада

Вы тут

8 верасня ў Брэсце пачынае работу міжнародны тэатральны фестываль


Калі восень нагадвае пра сябе першымі халадамі і дажджамі, хочацца паглядзець добры тэатр. Ды каб пра каханне. А пра што яшчэ наогул можна зрабіць сапраўдную пастаноўку, каб яна зайграла, вылучылася на фоне разнастайнай праграмы тэатральнага фестывалю? Форум тэатраў — гэта заўсёды эксперыменты, шмат нечаканасцяў, балансаванне на мяжы... Не раўнуючы як паказ высокай моды: апрануць гэта часам немагчыма, а вось тэндэнцыю вызначыць — самы раз. Так і тут.


Але ад фестывалю пастаянны глядач чакае сапраўднага тэатра. Такога, каб да самых патаемных струн душы, каб да сэрца, да розуму дакранулася закладзенае ў падмурак рэжысёрам, каб выходзіў потым з залы і круцілася ў галаве: і я гэтак жа думаю, адчуваю, здагадваюся... Вось як, напрыклад, было са спектаклем «Фро» Рыжскага рускага тэатра імя Чэхава два гады таму. Ужо цэлыя два гады прайшло, а помніцца. Не, не сюжэт альбо паслядоўнасць дзеі. Помняцца ўражанні, эмоцыі, запал, які артысты змаглі перадаць гледачам. І ад душы пабіўшы далоні апладысментамі, пакінуўшы сцены тэатра, удыхнуўшы свежага паветра, хацелася жыць, любіць усіх блізкіх і верыць ва ўсёпераможнае каханне.

Добра, што рыжскі тэатр едзе да нас зноў. Яны вязуць сёлета пастаноўку «Альбом». Кажуць, што гэта першы з 1923 года зварот да тэкстаў Аркадзя Аверчанкі, які амаль сто гадоў таму чытаў свае апавяданні са сцэны рускага тэатра ў Рызе. Ну і пра каханне ў яго ёсць апавяданні, а таксама на тэму вечных пытанняў быцця.

Падчас прэс-канферэнцыі дырэктар фестывалю Аляксандр КОЗАК зазначыў, што большую частку праграмы фэсту складаюць драматычныя пастаноўкі, добра прадстаўлена і сучасная драматургія. Не можа не інтрыгаваць заяўленая работа Маскоўскага тэатра юнага гледача па апавяданні Чэхава «Скрыпка Ротшыльда». Бо ў гэтай пастаноўкі шмат узнагрод. Чаго вартыя «Залатыя маскі» за лепшы спектакль вялікай формы і лепшага мастака! У пастаноўцы бярэ ўдзел народны артыст Расіі Валерый Барынаў. А нашаму гледачу спектакль стаў даступны з прычыны дапамогі з фінансаваннем менавіта расійскага
боку. Бо калі б на квітках пазначылі маскоўскія цэны, няцяжка здагадацца, колькі гледачоў здолела б пайсці. Але ж намаганні арганізатараў вартыя выніку. Зноў жа, на думку меркавання дырэктара фестывалю, работу можна лічыць узорам тэатральнага мастацтва. Як кажуць, пажывём — пабачым.

Батумскі дзяржаўны драматычны тэатр імя І. Чаўчавадзэ падрыхтаваў спектакль «Сіндром, або Каго ўслаўляеш?», тэатр ФЕРТЪ (РТШ) з Эстоніі — работу «Боб ведае». Ровенскі абласны акадэмічны музычна-драматычны тэатр, які ў 2012 годзе паспяхова выступіў у нас з пастаноўкай «Калігула», гэтым разам прадстаўляе драму «Ненармальная». Гэты спектакль, дарэчы, пакажуць не толькі ў Брэсце, але і ў Жабінцы.

Міжнародны тэатральны фестываль «Белая вежа» гэтага года 22-гі па ліку. У афішы заяўлены 28 тэатральных калектываў з 14 краін свету. Форум адкрываецца ў пятніцу вечарам фарсам-вадэвілем «Пінская шляхта», які пакажа Нацыянальны акадэмічны драматычны тэатр імя Я. Купалы. У гэты ж дзень гледачу будуць прадстаўлены яшчэ два спектаклі. Сваю работу «Сіняя-сіняя» пакажа Магілёўскі абласны тэатр лялек. І па даўняй традыцыі «Вежы» на плошчы Леніна адбудзецца вулічны спектакль «Высокія мары» тэатра з Чэхіі. Улюбёнец брэсцкай публікі Львоўскі тэатр «Уваскрэсенне» таксама пакажа плошчавую дзею, толькі 14 верасня, яна называецца «Цягнік са Львова».

Гэтым разам і пасля закрыцця фестывалю, у нядзелю, 17 верасня, заяўлены яшчэ адзін спектакль. Камедыю «ВДВ. Усім добры вечар!» з удзелам вядомага артыста тэатра і кіно Аляксандра Балуева пакажуць масквічы.

Святлана ЯСКЕВІЧ

уасkеvісh@zvіаzdа.bу

Фо­та Ва­ле­рыя КА­РА­ЛЯ

Загаловак у газеце: Зноў пра каханне?

Дадаць каментар

Выбар рэдакцыі

Палітыка

Уладзімір Андрэйчанка расказаў пра найбольш значныя законапраекты

Уладзімір Андрэйчанка расказаў пра найбольш значныя законапраекты

 «Толькі агульнымі намаганнямі мы зможам супрацьстаяць няпростым выклікам часу».

Грамадства

Як у Беларусі абясшкоджваюць боепрыпасы

Як у Беларусі абясшкоджваюць боепрыпасы

​Колішняя Беларуская ваенная акруга лічылася адной з самых магутных у СССР.

Грамадства

Выхоўваць ці любіць? Шчырая размова з педагогам пра бацькоўскія страхі

Выхоўваць ці любіць? Шчырая размова з педагогам пра бацькоўскія страхі

«Калі ў вас адкрыўся рот, каб накрычаць на дзіця, спыніцеся хоць на секунду…» 

Грамадства

Чым здзівіў сёлета «Кліч Палесся»

Чым здзівіў сёлета «Кліч Палесся»

Этнафэст стаў вядомым далёка за межамі Беларусі.