Вы тут

Пабачыла свет кніга Валерыя Казакова «Цень гобліна»


У склад Саюза пісьменнікаў Беларусі ўваходзяць і калегі з іншых краін свету — Азербайджана, Арменіі, Аўстрыі, Балгарыі, Германіі, ЗША, Іспаніі, Латвіі, Літвы, Польшчы, Расіі, Таджыкістана, Украіны. Як правіла — гэта нашы суайчыннікі альбо літаратары, якія настойліва прапагандуюць беларускую літаратуру ў сваіх краінах. Сярод такіх рупліўцаў — і ўраджэнец Магілёўшчыны, намеснік старшыні ФНКА «Беларусы Расіі», сакратар Саюза пісьменнікаў Расіі Валерый Казакоў. У выдавецтве «Мастацкая літаратура» днямі пабачыла свет кніга расійскага і беларускага літаратара «Цень гобліна».


Пад цікавай, маляўнічай вокладкай — аднайменны раман, у якім расказваецца пра сучаснасць, пра тое, як развальваецца свет і якія сілы часцяком вядуць свой рэй. Валерый Казакоў па адной са сваіх адукацый — сацыёлаг, кандыдат навук. Дарэчы, абараняўся ў Беларускім дзяржаўным універсітэце. Пісьменнік зазірае ў сутнасць грамадскіх, палітычных з'яў, імкнецца высветліць, што ж чакае чалавецтва, грамадства, калі супольна не супрацьстаяць антыгуманізму. Чытаючы прозу Валерыя Казакова, неўпрыкмет праводзіш паралелі з прачытаным, з тым, што некалі ўразіла, захапіла, прымусіла настойліва разважаць, магчыма, нават спрачацца не толькі з аўтарамі, але і з самім сабою. І было гэта перш-наперш пасля знаёмства з раманамі і аповесцямі Васіля Быкава, Алеся Адамовіча, Уладзіміра Караткевіча, Алеся Жука, Анатоля Кудраўца, Міхася Стральцова, Вячаслава Адамчыка, Янкі Брыля... Адкрыйце старонкі «Ценю гобліна» — і вы пераканаецеся, што варта «пісаць пра чалавека ва ўсіх яго праявах» і «суперажываць на мяжы эмацыянальнага напружвання» (Алесь Адамовіч).

Сяргей Шычко

shychko@zviazda.by

Выбар рэдакцыі

Культура

У нядзелю яўрэі святкуюць Новы год дрэў

У нядзелю яўрэі святкуюць Новы год дрэў

На гэта свята асаблівым чынам спажываюць розную садавіну, запіваючы келіхамі добра разбаўленага віна.

Грамадства

Як задаволіць кадравы голад у сферы ІТ?

Як задаволіць кадравы голад у сферы ІТ?

Работадаўцы кажуць, што быць добрым праграмістам і ўмець пісаць код для эфектыўнай работы ўжо недастаткова.

Культура

Балельшчыкі II Еўрапейскіх гульняў ужо рэзервуюць вясковыя гатэлі

Балельшчыкі II Еўрапейскіх гульняў ужо рэзервуюць вясковыя гатэлі

«Адышоў час, калі гасцям патрэбныя былі толькі «чарка і скварка», ім ужо цікавыя музеі, культурная праграма».