22 студзеня, панядзелак

Вы тут

Еўрагульні ў Мінску не саступяць найбуйнейшым спартыўным форумам


Янез Качыянчыч, выконваючы абавязкі прэзідэнта Еўрапейскіх алімпійскіх камітэтаў:


Фота: sondakika.com

— Павінен сказаць, што, прыняўшы рашэнне аб правядзенні ІІ Еўрапейскіх гульняў у Мінску, мы зрабілі выдатны выбар. Не толькі таму, што Беларусь паспяхова выступіла ў Баку ў 2015 годзе, дзе заваявала больш за 40 узнагарод, але і таму, што ваша краіна таксама мае добрую спартыўную інфраструктуру, у чым члены ЕАК ужо паспелі не раз пераканацца. Акрамя таго, беларусы моцныя сваімі спартыўнымі традыцыямі, у Мінску ведаюць і ўмеюць арганізоўваць буйныя падзеі. У 2014 годзе тут адбыўся чэмпіянат свету па хакеі, і гэты экзамен вы вытрымалі на выдатна.

Еўрапейскія гульні ў Мінску, я ў гэтым упэўнены, па маштабе і арганізацыі не саступяць найбуйнейшым сусветным спартыўным форумам. На Алімпіядах, напрыклад, большую
частку медалёў заваёўваюць менавіта атлеты з Еўропы. І ў 2019 годзе ў сталіцу Беларусі прыедуць многія вядучыя спартсмены, бо ў асобных відах спорту будзе праходзіць кваліфікацыя да ХХХІІ летніх Алімпійскіх гульняў у Токіа.

Я таксама спадзяюся, што па ліку краін, куды будзе весціся тэлетрансляцыя Еўрагульняў—2019, Беларусь не саступіць Азербайджану. У 2015 годзе спаборніцтвы з Баку трансліраваліся ў 145 краінах. Не ўзнікла і сур'ёзных пытанняў пры рабоце над кантрактам па правядзенні ІІ Еўрагульняў з беларускім бокам, які днямі быў падпісаны ў НАК. Усе зацікаўленыя асобы ведалі ўмовы, на якіх Мінск прыме Еўрагульні, і сёлета толькі адпрацоўваліся дэталі.

Нагадаем, што права правядзення ІІ Еўрапейскіх гульняў у 2019 годзе Беларусь атрымала на 45-м пасяджэнні Генеральнай асамблеі ЕАК, якое адбылося ў кастрычніку 2016-га ў Мінску. Падчас правядзення Еўрагульняў чакаецца прыбыццё ў беларускую сталіцу і ўдзел у спартыўных і іншых мерапрыемствах больш чым 4 тысяч спартсменаў.

Спаборніцтвы пройдуць з 21 па 30 чэрвеня 2019 года ў 15 відах спорту: у бадмінтоне, боксе, веласіпедным спорце, веславанні на байдарках і каноэ, дзюдо, каратэ, лёгкай атлетыцы, стральбе з лука, кулявой і стэндавай стральбе, настольным тэнісе. Плануецца разыграць ліцэнзіі на Алімпійскія гульні 2020 года ў Токіа.

Дадаць каментар

Выбар рэдакцыі

Грамадства

Звычайная настаўніца фізікі трапіла на адронны калайдар

Звычайная настаўніца фізікі трапіла на адронны калайдар

Што насамрэч адбываецца на мяжы Швейцарыі і Францыі, дзе на глыбіні каля ста метраў размяшчаецца Вялікі адронны калайдар?

Грамадства

Як мы наведалі курсы перападрыхтоўкі для беспрацоўных

Як мы наведалі курсы перападрыхтоўкі для беспрацоўных

Не так даўно навукоўцы выявілі, што стрэс ад страты або змены месца працы ўваходзіць у топ-3 самых моцных негатыўных перажыванняў сучасных людзей. 

Грамадства

Як беларускія дзяўчаты частавалі ліванцаў стравамі з бульбы

Як беларускія дзяўчаты частавалі ліванцаў стравамі з бульбы

Ваенныя медыкі Вера Паўлянковіч і Вольга Яхнавец  былі ў Ліване з міратворчай місіяй.