Брытанская школьніца знайшла меч у возеры, дзе, паводле легенды, спачывае клінок караля Артура, паведамляе Mеtrо.
Сямігадовая Мацільда Джонс купалася ў возеры Дазмары-Пул у Корнуале і заўважыла на дне меч. Яго дасталі, зброя даволі добра выглядае, і таму бацька дзяўчынкі сумняваецца, што ён сапраўдны. На яго думку, яна адшукала рэквізіт, які застаўся пасля кіназдымак. Даўжыня клінка супадае з ростам Мацільды — 120 сантыметраў. Мужчына сцвярджае, што па дарозе распавядаў дачцэ пра караля Артура: легенда гаворыць, што адзін з рыцараў кінуў меч загінулага караля ў ваду, а знайсці яго можа толькі чалавек, варты таго, каб заняць брытанскі трон. Возера Дазмары-Пул, дзе была зроблена знаходка, — адзін з вадаёмаў, які звязваюць з гэтым паданнем.
Іван КУПАРВАС
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».